Pirtûka “Xosrew û Şîrîn” yek ji pirtûkên navdar ên Nizamiyê Genceyî ye. Pirtûka wî din a navder “Leyla û Mecnûn” e.

Saziya Îlanan a Çapemeniyê 8 salan bi rêkûpêk piştgirî dida rojnameyên kêmneteweyan lê piştî sala 2020an piştgirî rawestand. Rêvebirê Weşanê yê Giştî ya Nor Marmarayê Arî Haddeler têkildarî mijarê got, “Rewşa me roj bi roj xiraptir dibe. Mayîna li ser piyan zihmetir bûye. Mixabin em li ber girtinê ne.”

Ji ber ku dadgeh biryara tehliyeyê ya parlamenterê TÎPê Can Atalayî nade, CHPyê bang li Parlamentoyê kir û xwest civîneke awarte pêk bîne. Koma CHPyê ji bo vê daxwazê daxwaznameyek pêşkîşê Serokatiya Parlamentoyê kir. TÎP, Dem Partî, Partiya Saadetê, EMEp, DEVA û Demokrat Partiyê jî piştgiriya CHPyê kirin.

Ji ber ku hêzên rejîmê yên Îranê nehiştiye derhêner Mensûr Kerîmeyan li Sinê were definkirin, wê li Silêmaniyê merasîma cenazeyê wî pêk bê.

Li sê navçeyên Wanê ji ber ku berf zêde bariye rojek dibistan hatin girtin.

DAIŞê ragihandiye ku êrîşa roja Çarşemê li dijî merasîma Qasim Silêmaniyî pêk hatiye ji hêla wan hatiye kirin. DAIŞê navên du endamên xwe aşkere kir ku êrîş pêk anîne.

Lijneya Navendî ya Rêveberiyê ya DEM Partiyê piştî civîna xwe ya 10 saetan, biryar da ku namzetên xwe yên hilbijartina herêmî, di 13 û 14 Kanûna Paşiyê de hilbijêre.

Ji bo rakirina parêzbendiya 9 parlamenterên DEM Partiyê, CHP û TÎPê fezleke amadekirin û pêşkeşî Serokatiya Meclisê kirin.

Li gorî daneyan Meclîsa ISIGê di meha Kanûna Pêşiyê de di dema karkirinê de 154 karker mirine û ji wan 5 zarok bûne.

Komeleyê bal kişandiye li ser kuştina rojnamegeran ên li herêmên şer li wan berdewam e. Her weha behsa edîtorê Rojnewsê Silêman Ehmedî hatiye kirin ku 72 roj in agahî jê nayê wergirtin.

Mêran di meha Kanûna Pêşiyê de tundkarî herî hindik li 38 jinan kirine. Mêran, zarokên kur jî di nav de herî hindik îstismar li 5 zarokan kirine, herî hindik 5 jin tacîz kirine.

Televîzyona Dewletê ya Îranê ragihand ku li nêzîkî gora Fermandarê Hêza Qudsê ya Pasdarên Îranê Qasim Suleymaniyî li dû hev teqîn pêk hatin.

Gireva birçîbûnê ya di 27ê Çiriya Pêşiya sala berê bi daxwaza “Ji Abdûllah Ocalanî re azadî, ji pirsgirêka Kurd re çareserî” hatîbû dest pê kirin de di roja 38emîn de didome. Li girtîgeha navçeya Bolvadînê ya girêdayî Afyonê 10 girtiyên siyasî bi aweyekî dorveger gireva birçîbûnê didomîn in.

Hevserokê Giştî yê HDPê yê berê Selahattîn Demîrtaş ji bo sersaxiya bavê xwe peyamek şand û spasiya her kesên tev li sersaxiyê bûne kir.

Di hejmara 88an a Bîrnebûnê de gotar, çîrok û helbest hene.

Li Herêma Kurdistana Iraqê rojnameger û edîtorê beşa Erebî yê ajansa Rojnewsê Silêman Ehmed 71 roj in tu agahî jê nayê girtin.

Claudine Gaya 53 salî, şeş meh bû li ser kar û di nav 8 dibistanên bijarte yên DYAyê de li zanîngehekî Ivy Leagueyê yekem jina reşik û duyemîn jin bû ku bûbû rektor.

Hakan Yalçin bi şertê kontrola edlî serbest bû. Yalçin ji ber xebatên komeleyekê hatibû desteserkirin ku dema li Meletiyê xwendekar bû, endamê wê bû.

Serokê Lijneya Bilind a Hilbijartinê Ahmet Yenerî diyar kir ku pêvajoya hilbijartinê di 1ê Kanûna Paşiyê de dest pê kiriye.

Rêxistina komên ku Îran piştgiriya wan dike ya li Iraqê, bi balafirên bêmirov êrişî baregehên hêzên DYAyê yên li Hesekê û Dêrezorê kirin.