Partiyên çepgir ên navendî di hilbijartina Parlamentoya Ewropayê de hejmareke zêde deng winda kirine. Keskan, rastgirên radîkal û lîberalan dengên xwe zêde kirine.

Piştî ku bi payama rêberê PKKyê(Partiya Karkerên Kurdistanê) welatiyan dest ji greva birçîbûnê berdayî hevseroka HDPyê(Partiya Gelan a Demokratîk) Pervîn Bulvanê diyar kiriye ku ew ê dest bi pêvajoyeka nû bikin.

Leyla Guven, Parlamentera HDPyê di mesaja xwe de gotiye ku çalakiya me gihiştiye armanca xwe û ew ê greva xwe bi dawî bike. Li ser navê girtiyan jî Deniz Kayayî daxuyanî daye.

Parêzerên Buroya Hiqûqê ya Asrinê piştî hevdîtina bi Abdullah Ocalan, Rêberê PKKyê re civîneke çapemeniyê li dar xistine. Di daxuyaniyê de diyar kirine ku Ocalanî gotiye, çalakiyên greva birçîbûnê û rojiya mirinê gihiştine armanca xwe û divê êdî bi dawî bibin.

Li Edeneyê du kesan gule bera ser Hakan Denizli, Xwediyê Rojnameya Egemen a herêmî kirine. Denizlî rakirine nexweşxaneyê û rewşa wî baş e.

Li gor biryara Dadgeha Qanûna Bingehîn ya Brezîlyayê, ew kesên ku bi tevgerên homofobîk an jî transfobîk tevdigerin dê sê sal cezayê girtinê bistînin.

Du sal in ku ansîklopedîya dîjîtal a bi navê Wikipedia li Tirkiyeyê qedexe ye. Weqfa Wikimediayê dê li Dadgeha Mafên Mirovan a Ewropayê ji bo qedexe rabe dozê veke.

Theresa May, Serokwezîra Ingilîstanê aşkere kir ku wê dest ji wezîfeya xwe berdaye. Mayê got ku ew ê 7ê Hezîranê bi awayekî fermî biryara destjêberdanê ragihîne.

Koma Lêklîna Li Ser Çandên Tirkiyeyê ya Zanîngeha Bilgiyê duhî li Stenbolê pêşangehek pêk anî. Navê pêşangehê “li dû zimanekî – ji salên 90ê heta îro ji bo çandê berxwedanên zimanê zikmakî” bû.

Wezîrê Dadê Abdulhamit Gulî gotiye astenga hiqûqî ya li pêşya Abdullah Ocalanî hatiye rakirin lê ti têkiliyên vê yekê bi pêvajoyeka aştiyê va nîne.

Îsal Dayikên/Mirovên Şemiyê hêjayî xelata Mafên Mirovan, Aştî û Demokrasiyê ya Sevinç Ozgunerê hatine dîtin. Jiyan Tosun di dema merasîma xelatdayînê de axivî ye û gotiye, “pêdiviya me tenê ji wî tiştî heye ku em hêviyên xwe winda nekin. Dê wicdan bi ser bikeve”.

Ayşe Duzkan du bi şev ji Girtîgeha Bakirkoyê hatiye derxistin. Çav li rê ye ku di nava 30 saetan de Duzkanê bişînin Girtîgeha Vekirî ya Eskîşehîrê

Dema ku nûçegihanê Ajansa Anadolûyê li çiyayê Soganliyê wêne digirtin bi kendalekê de ketibû. Piştî 13 rojan termê nûçegihanê bi navê Abdulkadir Nişancı hatiye dîtin.

Ji 17 kesên ku ji bo piştgiriya xwe bi Akademisyenên Aştîxwaz re aşkere bikin, belavokek weşandibûn û giliyê xwe kiribûn, 2 kes hatin dadkirin. Derbarê van kesan de bi tohmeta ku “propagandaya rêxistinê kirine” doz hatibû vekirin.

Ji ber ku parêzerên wan nexweş e, dadkirina Alk. Doç. Dr. Esra Mungan, Alk. Doç. Dr. Meral Camci, Alk. Doç. Dr. Muzaffer Kaya û Doç. Dr. Kivanç Ersoyî wê meha Çiriya Pêşiyê berdewam bike.

Nevîn Yildirim jinek e ku mêrekê bi navê Nurettîn Gider kuştibû. Wê diyar kiribû ku wî mêrî êrîşa zayendî lê kiribû. Dadgeha herêmî cezayê girtina mûebed dabû Yildirimê, Dadgeha Bilind ceza qebûl kiriye.

Piştî ku YSKyê derbarê betalkirina hilbijartina Stenbolê de delîlên biryara xwe aşkere kiriye, hiqûqnasan û siyasetmedaran li ser hesabên xwe yên medyaya civakî, biryar nirxandine.

Lijneya Bilind a Hilbijartinan (YSK) eşkere kiriye ku delîlên betalkirina hilbijartina Şaredariya Bajarê Mezin a Stenbolê yek bi yek têrê nake ku hilbijartin pê bê betalkirin, lê belê dema li hemî delîlan bi hev re bê nêrîn divîya hilbijartin bihata betalkirin.

Dadgeha Destûrî, serlêdana Osman Kavala, Serokê Lijneya Rêveber ê Anadolû Kulturê, mafparêz û karsaz, qebûl nekiriye.

60 çalakvanan di dema Festîvala Filman a Cannesê qedexeya li ser kurtajê protesto kirine.