Parêzerên rêberê Partîya Karkerên Kurdistanê(PKK), Abdullah Ocalanî ber bi girtîgeha li Girava Îmraliyê ve bi rê ketine.

Polîsan midaxele li endamên Meclîsa Ciwanan a HDPyê kiriye ku xwestine projeya wê Heskîfê di bin avê de bihêle, protesto bikin.

Saziya Statîstîkan a Tirkan(TUIK) piştî 2012ê êdî li ser karkerîya zarokan daneyan naweşîne.

Lawje wê di vê konsertê de wan stranan bibêjin ku ji herêma Colemêrgê û derdora wê berhev kirine û ji nû ve saz kirine.

Li Dêrsimê di navbera PKKiyan û leşkeran de şer derketiye. Di encamê de du çawişên pispor mirine.

Mêran di meha Gulanê de herî kêm 27 jin û sê zarokên ku li bal wan bûne kuştine. Herî kêm tecawiz li sê jinan kiriye. Bi darê zorê karê seksê li 64an daye kirin. İstismara zayendî herî kêm li 39 zarokan kiriye.

Qenaleka YouTubeyê ya bi navê Istanbul Times li ser hilbijartinên Stenbolê bi welatiyekê re hevpeyvîn kiriye. Piştî ku welatîyî fikrên xwe gotine kêrek li dîwarê wî hatiye çikilandin û hatiye tehdîdkirin.

ISIGê di 12ê Hezîranê, Roja Têkoşîna Li Hemberî Karkeriya Zarokan a Cîhanî de raporek belav kiriye. Li gorî vê raporê di pênc mehên pêşiyê yên sala 2019ê de herî hindik 26 karkerên zarok mirine.

Kesên LGTBI(Lezbîyen, Gey, Transeksûel, Bîseksûel û Interseksûel) dê 17-23yê Hezîranê li Izmîrê û 14-16ê Hezîranê li Antalyayê ji bo rûmetê bimeşin.

Meclîsa Nûneran a DYAyê bang li Tirkiyeyê kiriye û jê re gotiye, “yan moşekên S-400 bikire, yan jî balafirên F-35”. Di vê navberê de DYAyê perwerdeya pîlotên Tirkiyeyê daye sekinandin.

Du Rockbêjên kurd, Siya Şevê û Harûn ê 19ê Hezîranê li Stenbolê ji bo guhdarên xwe bi hev re biçin ser dikê. Ev cara yekem e ku herdu nav ê bi hev re biçin ser dikê.

Komisyona Mafên Zarokan a Komeleya Mafên Mirovan (İHD) a Stenbolê ji bo Roja Têkoşîna Li Hemberî Karkeriya Zarokan a Cîhanî, di 15ê Hezîranê de wê şahiyekê li dar bixe.

Di 30. salvegera Komkujîya Meydana Tiananmenê de, welatê Çînê weşana dîjîtal ya du rojnameyên li ser bûyerê nûçe çêkirîn qedexe kiriye.

27em Hefteya Rûmetê ya LGBTI+yan li Stenbolê wê di navbera 24 û 30ê Hezîranê, 5em Hefteya Rûmetê ya Mêrsînê wê di navbera 1 û 7ê Tîrmehê pêk bê. Meşa Rûmetê ya li Îzmîrê jî wê di 22yê Hezîranê de li dar bikeve.

Berbijarê serokatiya Şaredariya Bajarê Mezin a Stenbolê, Bînalî Yildirim 6ê Hezîranê li Amedê di mîtîngekê de axivîbû û gotina “Kurdistanê” gotibû. Wî li Stenbolê diyar kiriye ku ew gotin ya Ataturkî ye.

Rapbêjên; Ronî Artîn, XEM, Reqso, Slogan, Kurdoo û Adar ê 12ê Hezîranê li bernameya "Kurdish Rap Night" stranên xwe yên bi şêweyê rapê yên kurdî bibêjin. Bername dê li MUAF Kadikoyê be, DJ Senkula dê di şevê de DJyîyê bike û Gernas Nenas ê pêşkêşkarê bernameyê be.

Deutsch-Kurdisches Kulturinstitut ku xebatên wê yên sazkirinê berî salekê hatibû destpêkirin, hemî prosedurên qanûnî bi cih aniye û vebûye.

Abdullah Ocalan, Rêberê PKKyê ji birayê xwe Mehmet Ocalanî re gotiye: “Kesên xwe kuştine zerarek mezin dane min û malbatan. Ev yek ne tiştekî rast e.”

Belgefilmên Documentaristê wê li Aynali Geçit, Sînemaya Vault34 /Yeşilçamê û Sînemaya Kadikoyê bên nişandan. Her weha bernameyên din jî wê li Yapi Kredi Kultur Sanatê pêk bên.

Serokomar û Serokê Giştî yê AKPyê Erdoganî gotiye, “Ez wisa bawer dikim ku bi taybet vegera wan welatiyên me ên çûne ji derveyî Stenbolê, ya bajariyên me yên Stenbolî gelekî girîng e”.