Ji ber ku rojekê bi neheqî desteserkirî maye, Dadgeha Destûrî biryar daye ku 5 hezar TL pereyan bidin M. Eyî.

Weqfa Ragihandinê ya IPSyê digel Koma Lêklîna Li Ser Çandên Tirkiyeyê ya Zanîngeha Bilgiyê li ser medya û pirçandîyê panelek pêk anî. Di panelê de Demet Bilge Erkasap, Faruk Bildirici, Semra Kardeşoğlu, Zülfikar Ali Aydın û Doç. Dr. Esra Arsan axivîn. Nadire Mater moderator bû.

Polîsê ku li Amedê bûye sedema kuştina Recep Hantaşê 20 salî, hatiye tehliyekirin.

Polîsan serê sibeyê bi ser navendeka hiqûqê ya bi navê Halkın Hukuk Bürosu (Bûroya Hiqûqê ya Gelî) de girtiye û çar parêzer, sekreterek û du kesên dî desteser kirine.

Di nava hefteyê de wê li dehan cihan zêdetirî 70 çalakiyên cûrbecûr pêk bên.

Walîtîya Izmîrê 15ê Hezîranê “7. Meşa Rûmetê ya Izmîrê” qedexe kiribû. Li ser vê yekê Komeleya Pembe Hayatê, ji Dadgeha Izmîrê xwestibû biryar bê betalkirin. Dadgehê îro biryar betal kiriye.

Polîsekê bi navê O.Y. dema wesayita zirxkirî ya polîsan diajot wesayit li dîwarekê daye û bi ser du zarokên 6 û 7 salî de herifandibû û kuştibû. Dadgeha Cezayên Giran a Cizîrê 19 hezar TL ceza daye polîsî.

Li du dadgehan du akademîsyen hatine dadkirin. Serokê heyeta Dadgeha Cezayê Giran a 32yem ji akademîsyen Hazal Halavûtê re gotiye, “We çima bang li rêxistina terorê nekir?”

Fanzîna fotografîyê ‘’flashhilat’’ hejmara Hezîranê derxistiye. Di hejmara pêncan de bi çîrok, bîranîn û vegotinan nivîsên fotografîk hene.

Li gor nûçeyaka Bloomberg Newsê ji ber ku Tirkiyeyê fûzeyên S-400 kirîne, Dewletên Yekbûyî yên Amerîkayê (DYA) dê cezayan bide Tirkiyeyê.

Rêxistina Çavdêriya li Mafên Mirovan doza çalakiyên Parka Geziyê bibîr xistiye û xwestiye ku Osman Kavala û Yîgît Aksakoglû serbest bibin.

Senatoya Berlînê biryar daye ku li Berlînê ji îro pê ve 5 salan zêdekirina kirêya xaniyan qedxe ye.

Komîteya 27em a Meşa Rûmetê ya LGBTI+yan aşkere kiriye ku wan serî li Walîtiya Stenbolê daye ku Meşa Rûmetê li Taksîmê pêk bînin. Walîtiyê daxwaza wan qebûl nekiriye.

Hevserokê berê yê Partîya Gelan a Demokratîk (HDP) Selahattîn Demîrtaşî îro li ser hilbijartinên Stenbolê Twîtek daye weşandin.

Rayedaran dîyar kiribû ku ew ê pêşiya avê bigirin û dest bi pengandina avê bikin. Paşê dema pengandina vê hatibû paşdedan. Hewildana Zindîhiştina Hesenkeyfê kampanyayeka nû daye dest pê kirin.

Rêveberiya HDPya Amedê aşkere kiriye ku ew ê mesrefa hilbijêrên xwe yên wê bidin Stenbolê dengan bidin, bigirin ser xwe.

Weqfa Tahîr Elçîyî(TAV) dê her meh li Amedê li ser çand û edebiyatê bernameyan pêk bîne. 22yê Hezîranê Selîm Temo dê di bernameya bi navê “Helbesta Kurdî û Dahatûya Wê” de biaxive. Bername dê siet 15:00ê li Hola Konferansan a Tahîr Elçîyî be. Hola Konferansê li BAROya Amedê ye.

Birayên Misilman, piştî mirina Mûrsiyî banga civînê kiriye. Mûrsî yekem Serokomarê Misrê ye ku hatibû hilbijartin.

Pêşangeha “Li Pey Zimanekî – Ji Salên 90î Heta Roja Me Di Qada Çandê de Têkoşîna Zimanên Dayikê” li Karşi Sanatê berdewam dike. Her weha du panel jî pêk hatin.

Li Bodrûmê keleka penaberan noqî avê bûye û di encamê de 12 kes mirine. 31 kes hatine rizgarkirin.