Shireen Ebu Akleha 51 salî dema operasyona leşkerên Îsraîlê ya li dijî Qampa Penaberan ya Cenînê dişopîne gule li nav çavên wê dikeve û dimire. Her weha rojnamegerekî din jî di pişta xwe de birîndar bûye.

DFGê rapora xwe ya meha nîsanê belav kiriye. Li gorî raporê di Nîsanê de 4 rojnameger hatin desteserkirin, rojnamegerek hatiye girtin, 2 rojnameger rastî êrişê hatine û ji bo 16 nûçeyan jî biryara astengkirinê hatiye dayîn.

Koalîsyona Jinan di Rojnamegeriyê de gotiye, "Me herî zêde bûyerên tûndkariyê li Tirkiyeyê tomar kirine û me ji nêz ve şopandine. Bi giştî me bi rêya dadgeriyê bûyerên destdirêjî, êrîş û gefên li hemberî 63 rojnamegerên jin tomar kirin.

Tayyîp Temelê HDPyê di daxuyaniyê de gotiye: "Çapemeniya kurd bi taybetî di salên 90’î de li gel kuştin, îşkence û girtinê, berdêlên pir giran da. Îro jî bi heman êrîş, zext û astengiyan re rû bi rû dimîne."

Rojnamegerên Kurd ên ku di medyaya kurdî de dixebitin, di vê qonaxa ku zextên li ser rojnamegeran zêde bûne de, ji Ajansa Nûçeyan a Mezopotamyayê re behsa tişt û bûyerên ku têkildarî rojnamegeriya kurdî ji rabirdûyê heta roja îroyîn qewimîne, kirine.

RTUKê bi îddiaya ku beyannameya dahatê neşandiye, 12 hezar û 804 lîre ceza li Amed Radyoyê biriye.

Dadgeha Îstînafê biryara cezakirinê ya ji ber "Doza Ozgur Gundemê" pesend kiriye. Dadgeha Cezayê Giran a 23yan a Stenbolê Kemal Sancili, Înan Kizilkaya, Zana Kaya û Eren Keskîn li ser hev bi 20 sal û 10 meh cezayê girtîgehê ceza kiribû.

Sendîkaya Rojnamegeran ya li Yemenê aşkere kiriye ku tenê di sê mehên destpêkê yên sala 2022an de 20 caran mafên rojnamegeran hatiye binpêkirin.

Di danişîna doza rojnameya Ozgurlukçu Demokrasiyê de dozger ji bo 6 rojnamegeran cezayê girtîgehê xwestiye. Di dozê de 7 rojnameger tên dadgehkirin.

Piştî pesendkirina Wezareta Edaletê 11emîn Dadgeha Cezayê Giran a Stenbolê biryara veguhestina dosyeya rojnameger Cemal Kaşikçi ji bo Erebistana Siûdî daye.

Fermandariya Cendirmeyên Bajarê Enqereyê di encama xebata mehekê de bi iddiaya ku “çalakiyên derveyî qanûnî kirine” 387 malperên înternetê asteng kiriye.

Serdozgeriya Erebistana Siûdî xwestiye ku dosyeya dadkirinê ya kuştina Kaşikçiyî ji bo welatê wan were veguhestin. Her weha xwestiye ku bultena sor ya li ser bersûcan were rakirin. Dozgerê danişînê jî li gorî daxwaza Erebîstana Siûdî nêrîna xwe aşkere kiriye. Dadgehê jî xwestiye li Wezareta Edaletê were pirsin.