.jpg)
Ji bo nûçeya tirkî / ingilîzî bitikîne
Dadgehê biryara astengirina 130 nûçe û weşanên derbarê Mûstafa Dogan Înal, parêzerê berê yê Serokê Giştî yê AKPê û Serokkomar Erdogan de daye.
Înalê ku serî li 3emîn Dadweriya Cezê û Aştiyê ya Anadolûya Stenbolê daye, îdia kiriye ku mafên wî yên şexsî hatine binpêkirin û xwestiye nûçeyên li ser mijarên cüda yên derbarê wî de bên astengkirin.
Lê belê dadgehê derbarê nûçeyan de nepirsiye ku tu delîlên wan hene yan na. Nûçeyên ku hatine sansurkirin li ser îdiayên ku Mustafa Dogan Înal bazariya bertîlê kiriye pêk tê.
Di nava nûçeyên ku hatine sansurkirin de nûçeyeke Raporên Çavdêriya Li Medyayê ku projeya bîanetê ye û nûçeyeke bianetê jî heye. Nûçeya navborî derbarê doza ku Mustafa Dogan Înal ji Îlerî Haberê Îzel Sezer û Dogan Ergun vekiribû ye. Sezer û Ergûn îdiayên ruşwetê yê Înalî kiribûn nûçe. Dadgehê nûçeya navborî ya bi Îngilîzî jî asteng kiribû.
Piştî nûçeya navborî Înal giliyê rojnamegerên ku nûçe çêkiriye, kiriye û Gerînendeya Weşana Giştî ya Bianetê ya wê demê Nazan Ozcan jî ji bo îfadedayînê hatiye vexwendin.
Di nav malperên ku nûçeyên wan hatiye astengkirin de bianet, Raporên Çavdêriya Li Medyayê, Ilerî Haber, Evrensel, T24, Gazete Duvar, BirGun, Cumhuriyet, Independent, KRT TV, Artî Gerçek, Gerçek Gundem, Ajansa Mezopotamya, Nupel, Kronos, Yeni İstiklal, civakî. .com.tr Malperên nûçeyan ên wekî ,bebek.com, internethaber.com, sondakika.com, Medyafaresi.com, Medyayazar.com, Bursadabugun.com hene.
Her wiha di lîsteyê de malperên ku binpêkirinên azadiya derbirînê û darizandinên rojnamegeran radigihînin/dişopînin jî hene. Yên wek express.org.tr, mlsaturkey.com, expressinterrupted.com, diclefiratgazeteciler.org û susma24.com.
Naverokên Ekşi Sozluk, Twitter, YouTube, Facebook û Instagram jî medyaya civakî ne ku di bin bandora sansurê de ne.
Zêdetirî 5 hezar nûçe di sala 2020an de hatine sansûrkirin
Li gorî rapora ku Komeleya Azadiya Derbirînê ya bi sernava Fahrenheit 5651: Bandora Kûr ya Sansûrê sala par weşandibû, 5,645 navnîşanên nûçeyan (URL) hene ku di sala 2020an de bi 819 biryarên cûda yên ku ji hêla 236 dadwerên cûda yên aştiyê ve hatine asteng kirin. Ji van nûçeyan 4 hezar û 620 (% 81) ji aliyê malperên nûçeyan ve ji weşanê hatin derxistin.
Her weha di sala 2020an de bi tevahî 58,809 malper hatine asteng kirin. Di 14 salên dawî de li Tirkiyeyê 467 hezar û 11 malperên înternetê ji aliyê 764 saziyên cuda (dadgeh û saziyên îdarî) ve 408 hezar û 808 sansurên cuda hatine kirin. Komeleyê hêj rapora xwe ya sala 2021an eşkere nekiriye.
(HA/AY)
