Lijneya Bilind a Radyo û Televizyonan(RTUK) gotinên Başak Demîrtaşê yên li FOX TVyê weke sedem nîşan daye û derbarê FOX TVyê de lêpirsîn daye destpêkirin.

Wezareta Tenduristiyê aşkere kiriye ku di 24 saetan de test ji bo 358 hezar û 64 kesan hatine kirin û di encamê de testa 30 hezar û 438 kesan pozîtîf derketiye. Her weha 236 kes jî mirine, 312 hezar û 875 doz derzî hatine kirine.

Di meha Îlonê de 18 jin û 157 mêr di dema karî de mirine. Jinan bêhtir karê çandinî, tekstîl, çapemenî, perwerde, buro, barkêşî, tenduristî û çendên din dikirin.

Rêvebiriya Giştî ya Îdareya Koçberan daneyên rojane yên têkildarî penahendeyên sûriyeyî yên ku li Tirkiyeyê ne aşkere kiriye. Bajarên ku herî zêde penahende lê ne Stenbol, Hatay û Dîlok e.

Di 200emîn roja Nobeta Edaletê ya Malbata Şenyaşarî de 200 parêzer ji bo piştgiriyê tevlî çalakiya malbatê bûbûn. Ji wan parêzeran gilî li duyan hatiye kirin.

Mexdûrên îstîsmara zayendî ên Dêra Katolîkan a Fransayê daxwaz kirine ku lêpirsîna mijarê were kirin. Li Dêra Katolîkan ji 1950î û vir ve îstîsmara zayendî li 216 hezar zarokan bûye.

Rêxistina Meteorolojiyê ya Cîhanê di rapora xwe ya dawî de destnîşan kiriye ku li ser mijara rêveberiya çavkaniyên avê divê hevkarî were kirin. Her weha rêxistinê gotiye ku di mijara xwegîhandina çavkaniyên avê de zêdeyî 5 mîlyar mirovî wê heta sala 2050î zehmetiyê bikişîn in.

Polîsan li Ataşehîrê, navçeya Stenbolê bi ser depoyên berhekarên gilêşan de girtine û 200 kes desteser kirine.

Çar dosyayê parêzbendiyê yên Meral Daniş Beştaş, Huda Kaya û Garo Paylan, parlamenterên HDPê û Salîha Aydenîz, parlamentera DBPyê şandine Serokatiya Meclîsê.

Wezareta Tenduristiyê aşkere kiriye ku di 24 saetan de test ji bo 355 hezar û 564 kesan hatine kirin û di encamê de testa 29 hezar û 802 kesan pozîtîf derketiye. Her weha 228 kes jî mirine, 332 hezar û 665 doz derzî hatine kirine.

Piştî Serokomar Erdoganî xwendekar kirine hedef, 11 xwendekarên ku xwestine li Zanîngeha Bogaziçiyê perwerde rû bi rû destpê bike û çalakî li dar xistine, li nava kampusê û ji derveyî wê hatine desteserkirin.

Mêran di meha Îlonê de tundkarî herî hindik li 65 jinan kiriye, herî hindik 4 zarok kuştine. Mêran, zarokên kur jî di nav de herî hindik îstismar li 13 zarokan kirine, herî hindik 10 jin tacîz kirine. Mêran bi darê zorê karê seksê herî hindik bi 78 jinan dane kirin.

Xelata Fîzîkê ya Nobelî îsal di nava Syukuro Manabe, Klaus Hasselman û Giorgio Parisiyî de hatiye parvekirin.

Dadgeha Destûrî ew serlêdan qebûl nekiriye ku ji bo rayedarên fermî werin dadgehkirin hatibû kirin. Dadgehê sedemên serlêdanê bi gotina “bêbingeh in” qebûl nekiriye.

Platforma Zimanê Kurdî(PZK) bi armanca ku nûnertiya xwe li Mêrdînê ava bike, civînek li dar xistiye. Desteya ku çûye Mêrdînê diyar kiriye ku heta zimanê kurdî bibe xwedî statû ew ê xebatên xwe bidomînin.

Komeleya Rojnamegeran a Dicle Firatê rapora binpêkirina mafên rojnamegeran a meha Îlonê aşkere kiriye. Li gorî raporê di meha Îlonê de derbarê 6 rojnamegeran de lêpirsîn hatiye destpêkirin, li 7 rojnamegeran doz vebûye, li 6 rojnamegeran 27 sal û 3 meh cezayê girtîgehê hatiye birîn û 50 rojnameger hatine dadgehkirin.

Nûçeya bianetê ya astengkirina nûçeyekê ya derbarê şîrketa bi navê Met-Gun Înşaatê de jî hate astengkirin.

Ewropa li dijî şewba Covîd-19ê wê doza 3em ya vaksîna Bîontechê jî bikarbîne.

Li Rihayê Ûgûr Tekstîlê bi hinceta KOD-18ê nêzîkî 300 karkeran ji kar derxistiye. Karkeran li ber kargehê dest bi çalakiya rûniştinê kirine.

Dûaa Mûhammed ji bo perwerdeya lîsansa bilind bike ji Dîlokê hatiye Stenbolê. Lê xwediyê xaniyan ji ber ku ew ji Sûriyeyê ye, xaniyên xwe bi kirê nedane wê. Ew jî neçar maye û careke din vegeriyaye Dîlokê.