Lêgerîna Edaletê ya Malbata Şenyaşarî didome.Malbatê destnîşan kiriye û gotiye, “Em dixwazin ku rêgezên komarê bên pêkanîn.”

Desteya Rikeberiyê di çarçoveya lêpirsîna ‘bihayê zêde’ de li BİM, CarrefourSA, Mîgros, ŞOK, A 101 û Savola Gidayê tevhev 2 mîlyar û 671 mîlyon lire cezayê pere yê îdarî biriye.

Li Stenbolê di operasyona li dijî berhevkarên gilêşan de 3 kesên ku hatibûn desteserkirin, piştî 24 rojan serbest hatine berdan.

Wezareta Tenduristiyê aşkere kiriye ku di 24 saetan de test ji bo 354 hezar û 580 kesan hatine kirin û di encamê de testa 25 hezar û 528 kesan pozîtîf derketiye, 229 kes pê mirine.

Li Tûnisê polîsan derb li Bad Baabouyî daye.Baabou, Serokê Komeleya Damjê ye ku ji bo mafên LGBTI+yan têdikoşe.

Qeyûmî tabelaya bi kurdî ya kreşa Zarokistanê guherandiye û li cihekî tabelayê, bi tîpên biçûk “Mala Zarukan” nivîsandiye.

Serdozgeriya Komarî ya Îzmîrê di îdianameya xwe de îdia kiriye ku beriya êrîşê, di dema êrîşê û dawiya wê de kesê alîkarî daye Gencerî nîne yan jî ti têkiliyeke wî ya bi rêxistinekê re nehatiye dîtin.

Parêzer Kazim Bayraktarî ji heyeta dadgehê re gotiye: “Daxwazên me li bin guhê dîwarên Qesrê dikevin û bi şûn de vedigerin lê em bi israr dewam dikin.”

Rêxistinên civaka demokratîk qedexeya çalakî û bernameyan a li Wanê bi civîneke çapemeniyê protesto kiriye. Li Wanê hezar û 800 roj in ku çalakî qedexe ne.

Wezareta Tenduristiyê aşkere kiriye ku di 24 saetan de test ji bo 355 hezar û 947 kesan hatine kirin û di encamê de testa 26 hezar û 896 kesan pozîtîf derketiye, 210 kes pê mirine.

Demîrtaş di doza Kobaniyê de gotiye, “Tehliyeya çi, hûn kî ne ku hûn ê me tehliye bikin! heta ku Erdogan û Bahçelî hebin. Eger hûn bi rastî jî bi rûmet bin hûn ê cubeyê xwe derxînin û bibêjin, ‘em ê serweriya hiqûqê bi kesî nedin pelçiqandin’.”

Parêzer Eren Keskînê gotiye ku birêxistî karkeriya seksê ya mecbûrî bi Sîbel Y.yê dane kirin û bertek nîşanî daxwaza dozgerî daye ku xwestiye çar bersûc beraet bikin.

Şaxa ÎHDê ya Stenbolê rapora xwe ya ku derbarê binpêkirinên mafan ên 3 mehên dawîn ên li girtîgehên Herêma Marmarayê de amade kiribû aşkere kiriye.

Erdoganî ji bo biryara Komîteya Wezîran a Konseya Ewropayê wiha axiviye: “Ti bendewariyên min nînin. Bi tenê bendewariyeke min heye, em ê bi ya xwe bikin. Konsey jî wê bi ya xwe bike, bila bike."

Şêwirmendiya Hevsalî ya Komeleya Pozîtîf-îzê diyar kiriye ku ew bi xêra kîteyên testa bilez di nava 15-20 xulekan de dikarin encamê hîn bibin. Her weha şêwirmendiyê gotiye, eger encama testê pozîtîf be, bi kesên ku test dane re hevdîtin tên kirin û ji bo nexşerê were çêkirin piştgirî tên dayîn.

Dadgehekê li Erzîncanê 6 sal û 8 meh cezayê girtîgehê daye her yek ji kesên ku beşdarî çalakiyên berxwedana Geziyê bûne. Dadgehkirina wan 8 salan dewam kiriye.

Dadgeha Destûrî aşkere kiriye ku li ser hev 335 hezar û 324 kesan, serî li dadgeha wan dane. Dadgehê ji sedî 89,3yê serlêdanan qebûl nekiriye.

Denîz Yucel, rojnameger û nivîskarê ku salek li Tirkiyeyê girtî mabû, bûye Serokê PEN, Yekitiya Nivîskarên Navnetewî ya Almanyayê.

Parlamentoyê tezkereya ku dema şandina leşkeran ji bo Iraq û Sûriyeyê dirêj dike, bi dengên AKP, MHP û IYI Partiyê qebûl kiriye. Her weha CHPyê bi tenê tezkereya Libnanê pejirandiye.

Wezareta Tenduristiyê aşkere kiriye ku di 24 saetan de test ji bo 356 hezar û 636 kesan hatine kirin û di encamê de testa 29 hezar û 643 kesan pozîtîf derketiye, 215 kes pê mirine.