Hevserokê Giştî yê HDPyê, Mîthat Sancar derbarê doza girtina partiya xwe de axiviye û gotiye, “Em li bendê ne ku Dadgeha Destûrî bêyî li esasa dosyayê binêre, doza girtinê demildest ret bike.”

Pirtûka Şêrko Bêkes, helbestvanê navdar ê Kurd a bi navê "Niha Keçek Niştimana Min e’ ji şêwezarê soranî bo kurmancî hatiye wergerandin. Pirtûk li Silêmanî hatiye belavkirin.

Cansû Yapiciyê got: “Me birin odeyekê ji bo bi hûrgilî li ser me bigerin. Gotin ‘Cil û bergên xwe ji xwe bike’. Min got “Çima’. Gotin ‘Ev kar wiha dibe’. Gotin “Şerm neke. Ev wiha tê kirin, tu nizanî’. Cil û bergên min ji min kirin. Li sînga min nêrîn. Bi hûrgilî li ser min geriyan.

Rojnameger Majed Shamaa ji bo ku ‘vîdeoyên mûzxwarinê’ yên sûriyeyiyan kiribû nûçe bi gefa dersînorkirinê re rûbirû mabû. Shamaa li navenda şûnve şandinê ya Dîlokê serbest hatiye berdan.

Li gorî raporê di meha Çiriya Pêşiyê de herî hindik 50 rojnameger hatine dadgehkirin. 3 rojnameger bi 3 sal û 9 meh û 12 roj cezayê girtîgehê ceza kirine. 16 hezar û 600 TL cezayê pereyan li rojnamegerekî birîne.

Jinan û mafparêzan li ser medya civakî bertek nîşanî gotinên Erdogan ên "Her kî li vî welatî carekî din hevokekê bi Peymana Stenbolê destpê dike saz bike divê di serî de herî zêde jinên me bertekê nîşanî wan bidin." dane.

Enstîtuya Lazan, 7ê Çiriya Paşiyê weke Roja Zimanê Lazî pejirandiye. Li cîhanê her diçe hejmara kesên bi lazî dizanin û diaxivin, kêm dibe. Enstîtû armanc dike ku bi vî awayî lazî biparêze û balê bikişîne ser.

Wezareta Tenduristiyê aşkere kiriye ku di 24 saetan de test ji bo 357 hezar û 832 kesan hatine kirin û di encamê de testa 27 hezar û 824 kesan pozîtîf derketiye, 187 kes pê mirine.

Dayikên Aştiyê yên ku xwestine serdana Emîne û kurê wê Ferît Şenyaşar bikin ji aliyê polîsan ve hatine dorpêçkirin. Dayikên Aştiyê diyar kirine ku ew ê piştevaniya xwe bi Emîne Şenyaşar re bidomînin weha gotine, "Em ê li gel hemû astengiyan li herderê daxwaza edaletê bikin”

Xwendekaran li Enqere û Stenbolê 40em salvegera avabûna YOKê protesto kirine. Polîsan midaxele li xwendekaran kirine û 11 xwendekar desteser kirine.

Serpîl Kemalbay, Parlamentera Îzmirê ya HDPê ji bo binpêkirinên mafên jinên girtî were lêkolînkirin serî li Komîsyona Mafên Mirovan a Meclîsê daye. Kemalbayê di serîlêdana xwe de binpêkirinên mafan yên li Girtîgehên Kocaelî, Stenbol û Îzmîrê weke mînak nîşan daye.

Parêzer Cahît Kirkazakî ji heyetê re gotiye, “Hûn bi çi motîvasyonê dixwazin bilez û bez vê darizandinê biqedînin? Hûn fermana Devlet Bahçeliyî, ya Erdoganî, ya Suleyman Soyluyî pêk tînin?”

Parêzer Tarcan Ulukî giliyê Orhan Pamûkî li cem Serdozgeriya Komarî ya Îzmîrê kiriye û îdia kiriye ku Pamûk di pirtûka xwe ya bi navê “Veba Geceleri” de heqaret li Mûstafa Kemalî kiriye.

Di rapora mehane ya CISSTê de hatiye diyarkirin ku gardiyanan di dema lêgerîna li qawîşê de heman lepik ji bo lêgerîna li nivîn, kel û pelên takî û çopê bi kar anîne.

Li Amedê polîsan bi serê sibê re bi ser gelek malan de girtine. Di serdegirtina malan de siyasetmedar û rêveberên sendîkayan jî di nav de bûye her kêm 14 kes hatine desteserkirin.

Alî Bozanî di pêşangeha xwe de, bi rêya “Tûrik”an behsa Robozikê, Cemîle Çagirgayê, cesedên bi rêya kargoyan hatine şandin û hin tiştên din kiriye.

Hejmara jinên ku li Wezareta Xweza û Bajarvaniyê, Wezareta Enerjî û Çavkaniyên Xwezayî, Wezareta Xezîne û Darayiyê, Wezareta Karûbarên Navxweyî, Wezareta Çandinî û Daristanan û Wezareta Bazirganiyê kar dikin, ne bi qasî nêviyê hejmara mêran e.

Wezareta Tenduristiyê aşkere kiriye ku di 24 saetan de test ji bo 347 hezar û 783 kesan hatine kirin û di encamê de testa 25 hezar û 304 kesan pozîtîf derketiye, 200 kes pê mirine.

Koma Jinan a Hiqûqa Civakî rapora xwe ya bi navê “Binpêkirinên mafan ên di dema çalakiyên Peymana Stenbolê de û necezakirin” aşkere kiriye. Li gorî vê raporê, polîsan 178 jin di dema çalakiyan de desteser kirine.

Akademîsyen Hifzûllah Kûtûm ku ji ber peyama “Bijî Kurdistanê” derbarê wî de lêpirsîn hatibû destpêkirin, îro ji kar derxistine û piştre jî hatiye desteserkirin.