Ji ber ku daxuyaniya Kemal Kiliçdaroglûyî weşandin, RTUKê cezayê pereyan li TELE1, KRT, Halk TV û Flash Haberê biriye. TURGEV û Weqfa Ensaran giliyê kanalan kiribû.

Pirtûka bi navê “Guldesteyek ji Baxê Rewanê” ya rojnameger û nivîskar Ferid Demirelî amade kiriye, çap bûye. Di pirtûkê de çîrokên nivîskarên Rûs yên weke Gorkî, Çexov, Turgenyev û Tolstay her weha çîrokên nivîskarên Kurd û Ermen jî hene.

Beriya danişîna 13ê ya Doza Kobaniyê, partî û rêxistinên siyasî daxuyaniyek daye û gotiye ku ew piştgiriya HDPyê dikin.

Li gorî rapora 2021an ya Navendên Rehabîlîtasyon û Dermankirinê ya TIHVê, weqfê ji damezrandina xwe ya 1990an vir ve serlêdanên herî zêde yên îşkenceyê wergirtiye. Herî zêde serlêdan li Nûnertiya Stenbolê ya TIHVê hatiye kirin. Ji kesên ku serîlêdane ji wan yê herî piçûk 5 salî ye.

Yekem tûra hijbijartinên Serokatiya Kolombiyayê bi encam bûye. Gûstavo Petro, namzetê “Girêbesta Dîrokî” yê tifaqa çep bi wergirtina 8 mîlyon dengan hinekî din nêzîk bûye ku bibe yekem serokê çepgir yê wî welatî. Di 19ê Hezîranê de di tûra duyem ya hilbijartinê de Petro dê bi Rodolfo Hernandez, namzetê “Tevgera Waliyan” re bikeve pêşbaziyê.

Di festîvalê de wê çîrok bi 14 zimanan bên xwendin û pêşangehek vebe. Her weha wê panelek û konser jî li dar bikevin.

Baroyan di daxuyaniya xwe de gotiye: “Em van qedexe û astengiyên deredemî yên bûne sistematik qebûl nakin. Em bi tundî şermezar dikin ku li vî welatî nahêlin hunermend bi rengekî azad hunera xwe bikin.”

Wezareta Tenduristiyê aşkere kiriye ku di 24 saetan de test ji bo 129 hezar û 961 kesan hatine kirin û di encamê de testa 864 kesan pozîtîf derketiye, 2 kes pê mirine.

Îlhan Taşçi, Endamê RTUKê diyar kiriye ku dosyaya ku RTUKê li ser sê qenalên televîzyonê amade kiriye, ji ber vîdeoya Serokê Giştî yê CHPê Kemal Kiliçdaroglu ku êvara Sêşemê parve kiribû ye.

Rêxistinên maf û pîşeyî yên Îzmîrê diyar kirine ku bi sedan girtiyên nexweş li ber mirinê hatine hiştin û bang li rayedaran kirin ku ji bo çareseriya vê pirsgirêkê bixebitin.

Sepanê heta niha bi tirkî, erebî, farisî, ingilîzî, rûsî û fransizî kar dikir, lê li sepanê zimanê kurdî, almanî, ispanyolî, ozbekî û kizgizî jî zêde kirine.

Dadgeha Destûrî biryara doza Nîhat Kazanhanê ku polîsan gule li wî reşandibû û ew qetil kiribû, betal kiriye. Bavê Nîhat Kazanhan gotiye, “Biryar Nîhat venagerine, lê dîsa jî biryareke erênî ye. Gelek zarokên mîna Nîhat bi neheqî hatin kuştin, dibe ku ev biryar di pêşerojê de rê li ber tiştan weha bigire."

Wezareta Çandê di 12ê Gulanê de li ser malpera xwe daxuyaniyeke çapemeniyê weşandiye û behsa bernameya festîvalê kiriye ku Ara Malikian jî di wê festîvalê de wê konserek bida.

Li Komeleya Nûbiharê ji bo zarok û mezinan wê bi rengekî online dersên zaravayên kurdî pêk bên. Îsal li gel kurmancî, soranî û zazakiyê wê cara destpêkê dersên kelhûrî jî bên dayîn.

Wezareta Tenduristiyê aşkere kiriye ku di 24 saetan de test ji bo 139 hezar û 482 kesan hatine kirin û di encamê de testa hezar û 310 kesan pozîtîf derketiye, 5 kes pê mirine.

Mevlut Çavûşoglû, Wezîrê Karên Derve derbarê operasyona Sûriyeyê ya ku di rojevê de ye gotiye, "Divê çi pêwîst be em bikin."

Rojnameya ku çar saliya xwe pîroz dike bang li xwendevanan kiriye: “Xwendevanên ku nikarin rojnameya me li bayiyan bibînin di serî de em hemû kesên dixwazin rojnameya me bixwînin vedixwînin û dibêjin bibin e-aboneyê rojnameya me.”

Li bajarê Tîvaouaneya Senegalê agir bi beşa zayînê ya nexweşxaneyekê ketiye û 11 zarokên ku nû ji dayik bûne, mirin e. Tê pêşbînîkirin ku şewat ji ber kêşeya xeta elektrîkê çêbûye.

Hunermenda girtî Nûdem Dûrakê bi strana “Çiyayên me” banga piştevaniyê li hunermandan kiriye.

Walîtiyê bi mahneya “ewlehiya civakê” konsera Mem Araratî qedexe kiriye.