Partiya Çep a Kesk, di hilbijartina 14ê Gulanê de bi rêjeya ji sedî 9,33an a dengan 63 parlamenter bi dest xistiye.

Serokê Giştî yê YSKê Ahmet Yener diyar kiriye ku hejmara sindoqên li Tirkiyeyê yên nehatine vekirin 27 û sindoqên derveyî welat jî 1529 e.

Li gorî daneyên nefermî lîsteya parlamenterên di hilbijartina 14ê Gulanê de hatine hilbijartin, wiha ye. (Tê nûkirin)

Di 28ê Gulanê de wê ji bo tûra duyem a hilbijartina serokomariyê deng bên dayîn.

Demîrtaş hilbijartina 2019an bi bîr xistiye û gotiye, “Ji daneyên Ajansa Anadolu teqez bawer nekin, hilbijartina 2019an bînin bîra xwe. Yên tê bîra wan bila ji yên ku nayên bîra wan re bibêjin."

Sindoqên dengan hatin vekirin, li gor agahiyên berdest encamên hilbijartinê ev in.

Saet di 17.00ê de pêvajoya dengdanê bidawî bûye. Niha dest bi jimartina dengan kirine.

Li Bazarcixê welatiyan li konteyniran dengên xwe bi kar anîn. Li ber konteyniran, ku her yek ji wan sindoqek tê de hebû, li baxçeyê dibistanê rêzên dirêj çêbûn. Li derdora dibistanê trafîkeke zêde ya wesayitan hebû.

Li Dîlokê nêzîkî hezar hilbijêr weke endamên Lijneya Sindoqan ên Partiya Vatanê hatine qeydkirin ku haya wan jê nîne. Piraniya van kesan, hilbijêrên Partiya Çepên Kesk e.

Erdoganî gotiye, “Arezûya min ew e ku êvarê piştî hejmartinê, ji bo welatê me, gele me, ji bo demokrasiya tirkan ez siberojeke bixêr ji Xwedayê xwe dixwazim.”

Namzetê Serokomariyê Kemal Kiliçdaroglûyî dengê xwe daye û gotiye; “Me hemûyan gelekî bêriya demokrasi, pêkvebûn û hembêzkirinê kiriye. Hûnê bibinin, wê bihar bên vî welatî.”

Serokên partiyên siyasî di hilbijartina serokomariyê û ya parlamenteriyê de dengên xwe bi kar tînin.

Pêvajoya dengdanê destpê kiriye. Li nava Tirkiyeyê û derveyî Tirkiyeyê li ser hev 64 milyon û 114 hezar û 941 hilbijêr hene.

Kinik di hesabê xwe yê Twîtterê de li cihê ku “Serokê Giştî ê Heyva Sor” nivîsiye, guheriye û li şûnê “Xwebexşê Heyva Sor” nivîsiye.

Dîroknas Ismet Konak diyar kir ku li rojavayê Qerebaxê herêma ku Kurd lê bûne di sedsala 18emîn de bi navê Kurdistanê derbas dibe û got, "Piştî ku herêma heyî di sedsala 19emîn de kete bin hikmê Çaritiya Rûsyayê pênaseya ‘Kurdistan’ê derbasî Rûsyayê jî dibe.

CHPyîyan ji hin kesên ku li Esenlerê danezan belav kirine biguman bûne û piştre derketiye holê ku danezanên hatine belavkirin sexte ne. Hatiye diyarkirin ku yek ji kesên ku danezanên sexte yên CHPê belav kiriye nûnerê TÛGVAyê ye.

Namzetê serokomariyê Kemal Kiliçdaroglû têkildarî midaxeleyên onlîne yên Rûsyayê yên ji bo hilbijartinên Tirkiyeyê li ser hesabê xwe yê Twîtterê bi peyamek Rûsya hişyar kiriye û gotiye: Destê xwe ji dewleta Tirkan bikşînin.”

MED-DER û Partiya Çep a Kesk bi boneya 15ê Gulanê Roja Cejna Zimanê Kurdî li Amedê şahîyek li dar xistine. Di şahiyê de wiha hatiye gotin: “Pêwist e ku em zimanê xwe li her qadê bi pêş bixin, xurt bikin û bikin zimanê fermî, zimanê perwerdehî, zanist, felsefe û wêjeyeke pêşketî û li her derê jiyanê û cihanê belav bikin.”

Namzetê hilbijartina serokomariyê Mûharrem Înceyî gotiye ku “Ez xwe ji namzetiya Serokomariyê vedikişînim. Ez vê ji bo welatê xwe dikim. Me xwest rêyekê vekin, em bi ser neketin. Bila mehneyên wan neminin.”

Li gorî rapirsiya dawî ya beriya hilbijartina 14ê Gulanê ya KONDAyê, rêjeya dengên Kemal Kiliçdaroglûyî ji sedî 49,3 ye. Yên Recep Tayyîp Erdoganî ji sedî 43,7 e.