Sibê wê 66 rojnameger di dozên cida cida de derkevin pêşberî heyetên dadgehan.

1em Dadweriya Aştî û Cezakirinê ya Osmaniyeyê biryar daye ku malpera Ajansa Mezopotamyayê were astengkirin.

Dadgeha Destûrî, biryara girtina rojnameger Hakan Aygunî ya ji ber tweetekê mehkûm kiriye û gotiye ku mafê Aygunî hatiye binpêkirin. Aygunî di tweeteke xwe de cihê gotina “Îman”ê ya “ÎBAN”ê bikar anî bû.

Dadgeha Destûrî di serlêdana Beyza Kural, nûçegîhana berê ya bianetê de piştî 5 sal û nîvan biryara xwe aşkere kiriye. Dadgehê gotiye ku mafê azadiya xweîfadekirinê û çapemeniyê hatiye binpêkirin.

Komîteya Parastina Rojnamegeran derbarê cezakirina rojnameger Şerwan Amîn Şerwanî û Guhdar Zebariyî de daxuyaniyek weşandiye û gotiye, “Ev biryar tê wê wateyê ku hikûmeta Herêma Kurdistanê ya Iraqê êdî dest ji îdiaya girîngîdayîna azadiya çapemeniyê berdeya.”

Serlêdanên ji bo 24em Pêşbirka Xelatên Rojnamegeriyê ya Metîn Goktepeyî destpê kirine. Xelat wê di 10ê Nîsanê de werin belavkirin ku pêvajoya serlêdanê heta 14ê Adarê wê dewam bike.

Dozgeriyê îdianameya derbarê wan rojnamegeran de amade kiriye ku nûçeya îşkencekirina Servet Tûrgût û Osman Şîbanî weşandibûn. Cendermeyan Tûrgût û Şîban li Wanê desteser kiribûn û ji helîkopterê avêtibûn.

Rojnamegeran bi sernavê “Em serê xwe natewînin, em dizanin ku rojnamegerî ne sûc e” belavokek belav kirine û rojnamegerên bixwazin, dikarin heta 14ê Sibatê saet 23.59 deqîqeyan îmzeyê biavêjin bin wê.

Rojnameger Hatîce Kamera ku ji ber fotografên daxuyaniyên civînên çapemeniyê yên HDP û KCDyê li ser hesabên xwe yên medyaya civakî weşandiye, dihate dadgehkirin. Piştî ku Dadgeha Îstînafê biryara beraetkirina wê betal kir, careke din hatiye dadgehkirin û dîsa biryara beraetê ji bo wê derketiye.

Osman Gudu, bernameçêkerê KRT TVyê dema ji ofîsa xwe ya li Kartala Stenbolê derdiket, kesekî êrîşî wî kiriye. Neh kêl avêtine serê Guduyî.

13em Dadgeha Cezayê Giran a Stenbolê biryara Dadgeha Îstînafê qebûl kir ku Dadgeha Îstînafê, biryara beraetkirinê ya Korur-Fincanci, Onderoglu û Nesinî betal kiribû. Her sê nav wê dîsa din werin dadgehkirin.

Ferhat Çelîk, Berpirsê Karûbarên Nivîsan ê Ajansa Mezopotamyayê ku ji ber nûçeya “Li Baybûrtê kêzikan dixin xwarinên girtinan” doz lê hatibû vekirin, di danişîna yekem a dadgehkirinê de beraet kiriye.

Bi tohmeta ku “propagandaya rêxistinê kiriye” 4 sal cezayê girtîgehê li rojnameger Îdrîs Sayilganî birîne. Sayilgan hezar û 137 rojan girtî mabû û di 27ê Çiriya Paşiyê ya 2019an de tehliye bûbû. Doza navborî dema ew girtî bû, lê vekiribûn.

Rojnamegerên Sînornenas rewşa azadiya xweîfadekirinê ya Tirkiyeyê bi hejmaran şîrove kiriye û weke daxuyaniyekê weşandiye. Li gorî daxuyaniya RSFyê di 5 salên dawiyê de zêdetirî 200 rojnameger girtine.

Di hilbijartinên Lijneya Bilind a Radyo û Televizyonan(RTUK) de Ebûbekîr Şahîn careke din bûye serok wê saziyê. Arîf Firtina jî bûye Cîgirê Serokê RTUKê.

Ji ber ku nûçeya Servet Tûrgût û Osman Şîbanê leşkeran ew li Wanê ji helîkopterê avêtibûn û îşkence li wan kiribûn, weşandine rojnameger Adnan Bîlen, Cemîl Ûgûr, Şehrîban Abî û Nazan Sala hatibûn girtin. 101 roj in ku hîna îdianameyên wan nehatine amadekirin.

Xebatkarên çapemeniya azad li dijî zext, desteserkirin û girtina hevpîşeyên xwe bertek nîşan dane û diyar kirine ku ew ê li ber zext, desteserkirin û girtinan serî netewînin û ragihandina rastiyê bidomînin.

Di dema pandemiyê de bikaranîna medya civakî zêde bûye. Tirkiye bi 10 mîlyonî zêdetir bikarhênerên medya civakî yên nû ve di nava welatên Ewropayê de di nav rêzên destpêkê de ye.

Di doza kuştina Hrant Dînk, Berpirsê Weşanê yê Giştî yê Rojnameya Agosê de karmendên dewletê yên tên dadgehkirin, li dijî nêrîna esasî ya dozgeriyê paraznameyên xwe pêşkêş kirine.

Erdoganî gotibû em biryara DMMEyê ya derbarê Selahattîn Demîrtaşî, Hevserokê Giştî yê berê yê HDPê de qebûl nakin. Dibe ku Tirkiye ji ber vê rû bi rûyê cezayê Konseya Ewropayê bimîne. Bê vîya binpêkirinên mafan yên din jî hene. Tirkiye wê bi van qeyranan derbasî sala 2021an bibe.