Li gorî rapora xweîfadekirinê ya TİHVê di 8 mehên destpêkê yên îsal de herî kêm 24 kes bi îddaya “heqaret li Serokomarî kirîye” hatine desteserkirin. 3 kes bi heman îddayê hatine girtin û derbarê kesekî de jî lêpirsîn hatîye amadekirin.

Saziya Teknolojiyên Zanistê û Ragihandinê (BTK) malpera JinNewsê ya bi navnîşana “jinnews8.xyz” asteng kiriye.

Li gorî raporê di 9 mehan de ceza li 29 rojnameger-weşanger-nivîskarî hatiye birîn. 20 rojnameger hatine girtin, lêpirsînname ji bo 57 rojnamegeran hatiye vekirin an jî doz li wan hatiye vekirin. 65 rojnameger hatine desteserkirin. Êrîş li 20 rojnamegeran hatiye kirin.

Dadgehê ji ber tweeta wê ya 6 sal berê avêtiye, sal û 3 meh cezayê girtîgehê li rojnameger Sabîha Temîzkanê biriye.

Cemîl Ûgûr, nûçegihanê Ajansa Mezopotamyayê ji girtîgehê nameyek nivîşandiye û şandiye. Ugûrî wiha gotiye: “Yê ku hatiye girtin rojnamegerî ye. Heke em ji nedîtî ve bihatana em ê nehatina girtin lê me yê rojnamegerî jî nekira. Em li gorî pîvanên pîşeya xwe xebitîn.”

Rojnamegerên Almanî yên ku li Girava Sîsama Yunanistanê derbarê penaberan de belgefîlm amade kirine, heta 8 saetan desteserkirî mane. RSFyê bang li dezgehên Yunanistanê kiriye û jê xwestiye, demildest dawî li binpêkirinên bi vî rengî yên li dijî rojnamegeran bîne.

Dozgeriyê, ji ber ku li ser medya civakî pêşengên tevgera şoreşger a Tirkiyeyê Mahîr Çayan, Veysel Guney û kesên ku di qetlîama Qizildereyê de can dane yad kiriye, derbarê Erhan Çelîk, rêvebirê Partiya Çep(SOL) a Denîzlîyê de ji salekê heta 5 salan cezaya girtîgehê xwestiye.

İtiraza ku ji bo astengkirina malpera înternetê ya Rojnameya Yenî Yaşamê ya bi navnîşana “www.yeniyasamgazetesi1.com”ê hatibû kirin, nehatiye qebûlkirin.

Rapora Çavdêriya Li Medyayê ya Biayê ya Tîrmeh – Tebax – Îlon 2020an dide xuyakirin ku li Tirkiyeyê êdî rojnameger ji ber ku Padîşah rexne dikin tên desteserkirin, kanalên televizyona bi heman hincetê bi maweya pênc rojan tên bêdeng kirin û bi taybetî tundkarî li dijî rojnamegerên herêmî çiqas berfirehtir dibe pê re jî bê ceza dimîne.

Parêzerên Ajansa Mezopotamyayê ji bo astengkirina malpera înternetê a bi navnîşana www.mezopotamyaajansi22.com îtiraz kiribûn. 3yem Dadgeha Cezayî ya Sulhê a Dîlokê itiraza parêzeran nepejirandiye.

Rojnameger Sertaç Kayarê ku ji ber li Amedê daxuyaniyên çapemeniyê û xwenîşandan dişopand doz lê hatibû vekirin û bi tohmeta ku “rêxistin ava kiriye û bi rê ve biriye” dihate dadgehkirin, beraet kiriye.

3yem Dadweriya Silh û Cezayî ya Amedê malpera Nupelê asteng kiriye.