Serokwezîrê Kralîya Yekbûyî(Brîtanya), Boris Johnsonî ji qralîçe, Elîzabetha 2. xwestiye ku karên parlametoyê pênc mehan bêne sekinandin. Kralîçeyê daxwaz qebûl kiriye.

Ekrem Îmamoglû, Şaredarê Bajarê Mezin ê Stenbolê aşkere kiriye ku ji 30ê Tebaxê û pê de li Stenbolê wê li hin cihan bas û metro 24 saetan kar bikin. Li metroya Stenbolê her weha 4 makinîstên jin dest bi wezîfeyê kiriye.

Zanîngeha Teknîkî ya Stenbolê û Wezareta Derdor û Bajarvanîyê civîyane û diyar kirine ku 2021ê depozîtoya firaxên plastîk dê mecborî be.

Fadil El Azawiyê ku ji şerê navxweyî yê welatê xwe revî û xwe spartiye Mêrdînê. Ew bi nivîşk, xurme û 12 cureyên biharat "kulîçeya Suryaniyan" çêdike û pê debara xwe dike

Fedaî Varanê ku hevjîna xwe kuştiye wê di 9ê Çiriya Pêşiyê de bê dadgehkirin. Dozgerî xwestiye cezayê miebetê ya girankirî li Varanî bibirin.

Li Kelha Ayanisê di encama lêkolînan de hatiye dîtin ku Ûrartûyan boyaxa sentetîk bi kar aniye.

Li Konyayê li wî cihê ku konên sûriyeyiyan lê ye ax heziyaye. 2 zarok mirine, 2 zarok jî birîndar bûne.

Şaredarîya Bajarê Mezin a Wanê piştgirîya lêklînên arkeolojîk yên li bakurê Qeleya Wanê dikir. Piştî qeyûmî dest bi karê xwe kirî alîkarî daye sekinandin.

Şaredarîya Bajarê Mezin a Stenbolê bihayên nû yên xizmeta wesayitên nava bajarî eşkere kirine.

Li dijî biryara qeyûman a ji bo 3 Şaredariyên Bajarê Mezin, 189 rojnameger, akademisyen, hunermend, siyasetmedar û hiqûqnasan îmze daye. Di metnê imzeyê de wiha gotine: “Em baş dizanin, sibê wê dor were wan kesan ku îro bêdeng mane.”

Mecit Şahinkayayî ji Girtîgeha Wanê ji bianetê re nivîsî û diyar kiriye ku endamên Grup Yorumê 102 roj in ku di greva birçîbûnê de ne.

Li gorî rêkeftina di navbera Tirkiye û DYAyê de îro, hêzên YPGyê ji ser sînor dest bi vekişandina hêzên xwe kiriye. Hêzên leşkerî yên herêmî li ser sînor tên bicîhkirin.

Walîtiya Stenbolê aşkere kiriye ku ji bo penaber bikaribin biçin cihên ku qeyda wan lê hatiye çêkirin, wan heta 30ê Çiriya Pêşiyê dem dirêj kiriye.

Serokomar Erdogan li Moskovayê wê pêşketinên dawiyê yên li Idlibê bi Vladimir Putin, Serokdewletê Rûsyayê re gotûbêj bike.

Walîyê Mêrdînê û qeyûmê berê yê şaredarîya heman bajarî Mustafa Yamanî eşkere kiriye ku wan hin dîyarîyên sembolîk daye heyetên digel rayedarên dewletê.

Îsal li gor salên berê hişkayî zêde ye û hewa jî zehf germ e, cotkar vê gavê giya û ce û geniman didirûn.

Walîtiya Wanê biryar daye ku ji îro pê de ji bo 15 rojan, hemû çalakî bên qedexekirin.

Dema kayûm dihatin protestokirin polîsan gelek welatî û pênc rojnameger desteser kiribûn. Şeva dî rojnamegerên desteserkirî hatine berdan.

Di hevdîtinê de behsa biryara tayînkirina qeyûman, destûra bingehîn a nû û reforma darazê hatiye nirxandin.

Dîlber Karahana ku li Taşliçaya navçeya Agiriyê dijî û 105 salî ye diyar kir, ji ber ku ew xwarin û vexwarina siruştî dixwe, her roj di heman wextî da radizê û radibe û kar û şixul dike, loma Xwedê emrekî dirêj kiriye nesîbê wê