Li Çiyayê Esenceyê ango Çiyayê Keşeyan ê Erzincanê berf bariyaye. Esence çiyayê herî bilind ê Erzînganê ye.

Li Kerbeleya bajarê Iraqê ji ber ku di dema pîrozkirina roja Aşûreyê de 31 kes mirin, wê 3 rojan şîn bê girêdan.

Walîtiya Wanê bi sedema ku “pêşiyê li êrişên çêbibe bigire” ji bo 15 rojan hemû cure çalakî û xwenîşandan qedexe kiriye.

Dozgerî nêrîna xwe ji bo doza Başkayayî diyar kiriye û xwestiye ku Başkaya li gorî Xala 7/2yê û ji ber tohmeta propagandaya rêxistinê were cezakirin.

Lîstikvanê sînema û şanoyê Süleyman Turan (83) li mala xwe de encama krîza dilî de çûye ser dilovaniya xwe.

Mehmet Selîm Bugrahanê 79 salî di girtîgehê Tîpa Lyê ya Turkoglûyê de miriye.

Dozgerî biryara beraetê ya di doza Rojnameya Ozgur Gundemê de hatiye dayîn, biriye temyîzê ku Berpirsên Weşanê yên Nobedar Erol Onderoglû, Ahmet Nesîn û Şebnem Korur-Fincanci di encamê de beraet kiribûn.

Li 26em Dadgeha Cezayê Giran akademîsyeneke din piştî biryara Dadgeha Destûrî, beraet kiriye. Ji 2yê Îlonê û heta niha 23 akademîsyenan beraet kiriye.

Stranbêj Mem Ararat di 13ê Îlonê de dê li Şîşliya Stenbolê konserekê bide. Konserên Araratî beriya niha li Amed û Wanê hatibûn qedexekirin.

Dadgeha Destûrî di biryareke xwe de gotiye, polîsê ku di dema karkirina wî de tundkarî li rojnamegerî kiriye û bi vê jî mafê azadiya xweîfadekirina wî rojnamegerî binpê kiriye.

Melîke Aydin, nûçegihana Jinnewsê ji ber parvekirinên wê yên li ser medyaya civakî di meha Sibatê de li Aydinê hatibû desteserkirin. Paşê doz lê hatibû vekirin. Sal û 3 meh cezayê girtinê li Aydinê hatiye birîn.

Di doza JİTEMê ya Qoserê (Kiziltepe) de heyeta dadgehê biryara xwe aşkere kiriye. Li gorî vê biryarê dem di ser sûcên windakirina di dema desteserkirinê de û kuştina bêdad de derbas bûye û doz bi dawî bûye.

Transa girtî Mîray, li Zindana Tîpa Lyê ya Alanyayê girtî ye û ji ber di hicreya yekkesî de tê hiştin ketiye greva birçîbûnê. Mîray dixwaze ji hicreyê derkeve. Heke ku dazwaza wê pêk neyê, wê dest bi rojiya mirinê bike.

Li Amedê heyeta 11em Dadgeha Cezayê Giran biryar girtiye ku akademîsyenê aştîxwaz Suleyman Kizil, Mûrat Biricik û Fîkret Ûyar beraet bike. Li Stenbolê jî pênc akademîsyenan beraet kiriye.

Li New Yorkê di pêşbirka tenisê ya vekirî ya Amerîkayê de Rafael Nadal rikberê xwe Daniil Medvedev têk biriye û bûye şampîyon.

Di sala 2019-2020 sala nû ya perwerdeyê de wê zêdetirî 18 mîlyon xwendekar wê bixwînin. Zêdetirî milyonek mamoste jî wê li dibistanên gelemperî û taybet dersan bidin.

Li gorî rapora Meclîsa ISIGê 14 jê zarok, 12 jê jin, 11 jê penaber, li ser hev 148 karker mirine.

Weşanxaneya Nûbiharê pirtûka “Tarîxa Hesenkêfê” ya bi navê “Nuzhetu’n-Nazir we Rahetu’l-Xatir” çap kiriye. Pirtûk ji bo dîroka kurdan, di periyoda dîrokî ya navbera “Tarîxu Meyyafariqîn”a Îbnul-Ezreq û “Şerefname”ya Şerefxanê Bedlîsî de çavkaniyeke girîng e.

Dadgehê 9 sal û 8 meh cezayê girtinê li Canan Kaftancioglû, Seroka CHPya Stenbolê birî ye. Ceza nehatiye taloqkirin.

Strana rapbêj Ezhel a bi navê “Bûyer” (Olay) û ya bi pêşekiya rapbêj Şanişerî ya bi navê “Ez ê nikaribim bêdeng bimînim” (Susamam) hatiye gotin, di rojeva medyaya civakî de cihekî giring girtiye.