Heftaya borî polîsan di çarçoveya tedbîrên Covîd-19ê de bi ser şahiya queer seksê de girtiye. Di serdegirtinê de Parlamenterê Parlamentoya Ewropayê dema ji şahiyê reviyaye birîndar bûye. Wî parlamenterî îstifa kiriye.

Rêxistinên çapemeniyê yên navnetewî derbarê rewşa rojnamegeriya li Tirkiyeyê de raporek amade kirine û gotine ku “Di sala 2917an de 170 rojnameger girtî bûn. Îro 77 rojnameger li piş deriyên girtîgihan in. Digel vê pêşketinê, Tirkiye li cîhanê yek ji girtîgehên mezin ên rojnamegeran e.”

Brîtanyayê bikaranîna vaksîna li dijî Covid-19ê destûr daye Pfizer û BioNTechê ev vaksîn çêkirine. Bi vî awayî, ew welat bû welatê pêşî yê ku bo bikaranîna vaksînan destûr daye.

Rojnamegerên Sînornenas (RSF) û Botan International dê bi hev re di navbera 15 πu 22yê Kanûna Pêşiyê ya 2020ê de Kargeha Rojnamegerîya Kurdî ya Dîjîtal pêk bînin.

Walîtiya Colemêrgê biryar daye û aşkere kiriye ku heta 15 rojan hemû çalakiyên weke xwenîşandan, mitîng, civînên li cihên vekirî û yên weke wan hatine qedexekirin.

Wezareta Tenduristiyê aşkere kiriye ku di 24 saetan de test ji bo 180 hezar û 312 kesan hatine kirin û di encamê de testa 30 hezar û 110 kesan pozîtîf derketiye. Her hewa 190 kes jî mirine.

Dadgehê biryar daye ku dadgehkirin di 4ê Adara 2021an de berdewam bike.

Serlêdanên ji bo serdema payîzê ya Akademiya Îsmaîl Beşîkciyî destpê kirine. Ders wê di bin sernavê “Tecrubeya Perwerdehiya Kurdî” de werin dayîn.

Koma ku ji Şahika Yuksel, Suzan Saner, Ayşe Devrim Başterzi, Zerrin Oglagu, Israfîl Bulbulî pêk hatiye, bi gotara xwe ya derbarê jinên êzidî hêjayî xelateke navnetewî hatine dîtin. Assocatiation for Women in Psychology (AWP) xelatan weşanê daye komê.

Serokomar Erdoganî derbarê sînordarkirina derketina derve de got ku "Dawiya hefteyê şeva înê ji saet 21.00ê heta roja duşemê saet 05.00ê wê bênavber dewam bike."

Wezareta Tenduristiyê aşkere kiriye k udi 24 saetan de test ji bo 176 hezar û 656 kesan hatine kirin û di encamê de testa 31 hezar û 219 kesan pozîtîf derketiye. Her hewa 188 kes jî mirine.

Hakan Yalçin, nûzegihanê Ajansa Mezopotamya û 8 kesên pê re hatibûn desteserkirin, serbest bûne. Nevroz Gulen, Endamê Meclisa Ciwanan a HDPyê hatiye girtin.

Parêzeran li Stenbol, Îzmîr û Mêrsînê Tahîr Elçî, Serokê Baroya Amedê bibîranîne ku pênc sal berê hatibû qetilkirin.

Paylanî gotiye ku li gorî gotina Wezîrê Tenduristiyê, vaksîna Çînê li xizanan belav bikin lê ya Pfizerê wê li dermanxaneyan bifiroşin ku hinekî din pêbawer e.

Li bajarê Bornoyê sere 43 paleyan jêkirine û ew kuştine. Karker hatine binaxkirin. Tê payîn ku Boko Haram an jî DAIŞ ali Afrîkyayê birêxistinkirî ye ev qetlîam kiribe.

Dadgehê bi tohmeta ku “propagandaya rêxistinê kiriye” 18 meh û 22 roj cezayê girtîgehê li Welat Oztekîn, xwebatkarê berê yê rojnameya Azadiya Welat biriye.

Komeleya Lêkolînên Kurdî wê kurên soranî, hewramî û kelhûrî bide destpêkirin.

Li Tirkiyeyê heta niha 494 hezar û 351 kes bi Covîd-19ê ketine û 13 hezar û 558 kes jî pê mirine.

Li cîhanê hejmara kesên bi vîrusa koronayê ya tîpa nû (Covîd-19) ketine ji 61 milyon û 309 hezarî derbas bûye.

Suleyman Soylû, Wezîrê Karûbarên Navxweyî derbarê Osman Şîbanî de axiviye û gotiye, piştî hatibû desteserkirin, hatibû gotin ku ji helîkopterê hatiye avêtin. Soylûyî gotiye: “Di lêpirsînnameya me de çi hebe em ê emcana wê deynin ortê.”