Josep Borrel, Nûnerê Bilind yê Polîtîkayên Ewlekariyê û Peywendiyên Derve yê YEyê destnîşan kiriye ku ew ji bo kiryarên li dijî HDPê yên weke girtin, tayînkirina qeyûman û rakirina parêzbendiya parlamenteran bi endîşe ne.

Pervîn Bûldan, Hevseroka Giştî a HDPê gotiye, “Ji wêneyên ku hatine girtin yek jê me negirtine, telefon qedexebû. Ev wêneya ku li Îmraliyê hatiye girtin, kê girtiye, kê da me? Bila Soylû vîya lêbikole?

Nivîskar Meral Şîmşekê got ku dema ew li Midûriyeta Emniyetê ya Meletiyê desteserkirî bû, ew tazî kirine û bi saetan av nedane wê.

Yekem danişîna doza rojnameger Abdurrahman Gokî pêk hatiye. Gok ji ber nûçeyên xwe û hevdîtinên bi çavkaniyên nûçeyan re kiriye, tê dadkirin.

Dadgeha Destûrî, biryara girtina rojnameger Hakan Aygunî ya ji ber tweetekê mehkûm kiriye û gotiye ku mafê Aygunî hatiye binpêkirin. Aygunî di tweeteke xwe de cihê gotina “Îman”ê ya “ÎBAN”ê bikar anî bû.

Ji sedî 46ê hemû mirinên li DYAyê yên ji meha Kanûna Pêşiyê heta meha Sibatê ji ber Covid-19ê ye.

Wezareta Tenduristiyê aşkere kiriye ku di 24 saetan de test ji bo 118 hezar û 816 kesan hatine kirin û di encamê de testa 8 hezar û 104 kesan pozîtîf derketiye. Her hewa 78 kes jî mirine.

Platformê Maf û Edaletê derbarê Gergerlîoglûyî de daxuyanî daye û gotiye, “Desthilat, hiqûqê li gorî xwe manîpule dike û li dijî opozîsyonê bikartîne.

Li Amedê Platforma Zimanê Kurdî û Tora Ziman û Çanda Kurdî ji bo ku kurdî bibe zimanê fermî û perwerdehiyê kampanyaya îmzeyan dane destpêkirin. Mîthat Sancar, Hevserokê Giştî yê HDPê, nûnerên partiyên Kurd, nivîskar, zimannas û rêxistinên sivîl beşdarî civîna kampanyayê bûne.

Suleyman Soylû, Wezîrê Karûbarên Navxweyî îdia kiribû ku Dîlan Dîrayet Taşdemîr, Parlamentera HDPyê “çûye Gareyê”. Taşdemîrê gotiye ku ew ê giliyê Soylûyû bike.

PEN Tirkiyeyê di daxuyaniya xwe de gotiye ku ji ber helwesta wê ya li bi wicdan û aqliselîm ew ê Xelata Duygu Asenayê bidin Emeritus Prof. Dr. Ayşe Bugrayê.

Ji ber ku di roja şemî û yekşemê de guh nedane tedbîrên “pandemiyê” û biryara qedexeyê ya derketina derve binpê kirine polîsan ceza li 31 hezar û 197 kesan birîne.

Wezareta Tenduristiyê aşkere kiriye ku di 24 saetan de test ji bo 101 hezar û 105 kesan hatine kirin û di encamê de testa 6 hezar û 546 kesan pozîtîf derketiye. Her hewa 77 kes jî mirine.

Kargeha Rojnamegeriya Mafparêz a bi kurdî a Atolye BIAyê destpê kir. Di her du rojên pêşiyê de dersdaran behsa rojnamegeriya mafparêz a bianetê, nûçegihaniya jinparêz û nûçeyên derbarê çîrokên jiyana mirovan de kirin.

BTN, koma rapa bi kurdî ji bo 21ê Sibatê, Roja zimanê Dayikê ya Cîhanî straneke rapê ya bi kurmancî û kirmanckî strane.

Prof. Dr. Cemşîd Heyderî, Kurdolog û Zimannas li ser mijara bikaranîna alfabeyên latînî û erebî destnîşan kir û got, “Di çarçoveya bernameyek fermî de mimkune ku alfabeyeke hevpar bê bikaranîn. Divê tevahî Kurd her du alfabeyên latînî û erebî fêrbin.”

Tora Raporkirin, Belgekirin û Çavdêriya li Mafên Zimanan di 21ê Sibatê Roja Zimanê Dayikê ya Cîhanî de daxwazên xwe bi 19 zimanên Tirkiyeyê aşkere kirine.

Dadgeha Bilind 2 sal û 6 meh cezayê girtîgehê yê dadgehekê li Omer Faruk Gergerlîoglû, Parlamenterê HDPyê birîbû, pesend kiriye.

Egîtim-Sena Wanê û Saziyên Demokratîk ên li Wanê bi boneya 21ê Sibatê Roja Zimanê Dayîkê daxuyaniyek dane û gotine, “Li Tirkiyeyê kiryarên pişaftinê bi rê û rêbazên cuda didomin”

Ji bo kirmanckiya ku di nav zimanên di bin xeteriyê de ne zindî bê hiştin kampanya tên destpêkirin. Di 21ê Sibatê Roja Zimanê Dayikê ya Cîhanê de bi hashtaga #ZoneMuwaXoQeseyke wê kampanya li ser medya civakî bê destpêkirin.