Nifûsa Tirkiyeyê di sala 2019an de li gor sala berê milyonek û 151 hezar û 115 kes zêde bûye û derketiye 83 milyon û 154 hezar û 997 kesî.

Li Idlibê di encama operasyona Artêşa Sûriyeyê de sê jê sivîl, heşt endamên Artêşa Tirkan mirine.

Li navçeya Kilimê ya bajarê Zonguldakê circirika komirê hatiye xwarê du karker mane li bin erdê.

Weqfa Ragihandinê ya IPSyê ji bo bianet kurdîyê li edîtoreka/ekê kurdî digere. Ew kesên ku dixwazin kar bikin divê heta 7ê Sibatê daxwaznameya karkirinê bişînin.

Li gor desgehên fermî yên Çînê bi vîrûseka nenas 139 kes mirine. Vîrûs belav dibe. Li Japonya û Taylanê jî hema vîrûs hatiye dîtin.

Piştî ku lîstikvanên fîlman Kadir Înanir û Jülide Kural çûyîn nîşandana şanoya “Dewran”ê wezîrê karên navxweyî, Suleyman Soyluyî ew kiribûn armanca rexneyan. Demirtaşî bersiva Soyluyî daye.

Meclîsa Nûneran a DYAyê îro li ser dosyeya jikardûrxistina Donald Trump, Serokê DYAyê, civiya û biryar da ku dosyayê bişînin Senatoyê.

ISMEKan pêvajoya serlêdanên ji bo kursa zimanê kurdî daye destpêkirin. Kurs di asta A1ê de ye û wê 136 saetan bidome.

Akile Salih, Serokê Meclîsa Nûneran li Tobrukê ku alîgirên Xelîfe Hefterî ne, gotiye “agirbest bidawî bûye û wê şer dewam bike.”

Wezareta Karûbarên Derve ya Rûsyayê aşkere kiriye ku General Xelîfe Hefterê ku serokatiya hêzên çekdar ên Bîngaziyê dike, bêyî peymana agirbestê îmze bike ji Moskowayê çûye.

Nûnerên komên Şiî yên ji Iraqê di mijara derxistina hêzên DYAyê yên Iraqî, biryar dane ku ew ê hêzên xwe bikin yek.

Civata Nûneran, jibo ku pêşî li biryarên operasyonên leşkerî bi ser îranê bigre, pêşnûmaya ku wê erka Donald Trump, Serokê DYAyê bi sînor bike, qebûl kiriye.

Iraqê ji rêveberiya Washingtonê xwestiye ku ji bo leşkerên amerîkî bikaribin vekişin, mekanîzmayekê ava bike.

Rêveberiya Herêma Kurdistanê daxuyaniyek belav kiriye û tê de gotiye:"Herêma me ji rageşî û aloziyê dûr bigirin"

Akademîsyen û lêkolîner Adnan Çelîk wê li Weqfa İsmail Beşikçiyî behsa “Têkoşeriya Polîtîk a Kurdan li Ewropayê” bike.

Piştî biryara Parlamentoya Iraqê ya ji bo derxistina hêzên biyanî ji nava welêt, Adil Ebdulmehdî, Serokwezîrê ku dest ji kar berdayî gotiye, ji bo hêzên biyanî ji welêt werin derxistin Iraq di qonaxa amadekirina gavên qanûnî û proseduran da ye.

Wekîlê Serokê Koma HDPyê Saruhan Oluçî ji bo kuştina Qasim Suleymaniyî wiha axivî ye: “DYA’yê raste rast li dijî Îranê şer ragihand. Herêm dikele. Dê encamên vê gavê giran bin.”

Wezaretên karûbarên derve yên Rûsya, Sûriyê û Çînê têkildarî kuştina Fermandarê Hêza Qudsê yê Supay Pasdaran, Qasim Suleymaniyî û Alîkarê Fermandarê Giştî yê Heşdî Şebî, Ebû Mehdî El Muhendis daxuyanî dane û helwesta xwe eşkere kirine.

Serokomarê Tirkiyeyê Recep Tayyîp Erdoganî gotiye: "Nêzî 200-250 hezar penaber ber bi sînorên me de tên. Em bi hin tedbîran dixwazin rê lê bigirin lê ne karekî hêsan e, lewra yên hember mirov in."

Rêberê Îranê Elî Xamaneyîyî îdia kiriye ku Amerîkayê DAIŞ ava kiriye, piştî Heşdî Şeibîyê ew rêxistin têk biriye Amerîka tolê ji Heşdî Şeibîyê dihilîne.