Parêzerên rojnameya Cûmhûriyetê li hemberî biryara Dadgeha Îstinafê, serî li Dadgeha Bilind dane. Parêzeran daxwaz kiriye ku biryara cezayan bila betal bibe û ji bo cezayên girtinê yên di bin pênc salan de mafê temyîzê bê dayîn.

Berna Laçîna lîstikvana fîlman ji ber ku par li dijî îdamê Twît nivîsîbûn doz lê hatibû vekirin û dihat dadkirin. Dadgeheka Stenbolê ji bo Laçînê biryara beraetê daye.

Sernûser û Berpirsê Weşanê yê Giştî yê rojnameya Milliyetê Abdî Îpekçî li ser gora xwe hatiye bibîranîn. Îpekçî beriya niha bi 40 salî di encama êrîşeke çekdarî de hatibû kuştin.

Rojnameger Can Dundar ji ber Nobedariya Berpirsê Weşanê ya Ozgur Gundemê kiriye û bi sucê “çapkirina weşanên rêxistinên terorî” dihat darizandin. Dadgehê biryara fermana girtina Dundar daye û danişîn jî taloq kiriye.

The Wall Street Journal, BuzzFeed û Verizonê ragihandibûn ku ew ê mesrefa xebatkaran kêm bikin û dest bi vê kêmkirinê kirine.

Rêjeya baweriya Civaka Tirkiyeyê bi hukumetê ji sedî 52 ye û baweriyê bi dezgehên navnetewî nake. Herweha rêjeya baweriya bi saziyên navnetewî zêde bûye.

Malpera teyit.orgê raporek amade kiriye. Rapor têkiliya civakê û medyayê nîşan dide. Ji bo raporê xebatkaran rû-bi-rû pirs ji 1.500 kesên li hemî navemdên bajarên Tirkiyeyê dijîn kirine.

Dadgehê biryar girt ku di danişîna bê de, daxwaza yekkirina dosyayên doza rojnameya Ozgur Gundemê binirxîne. Di dozê de Huseyîn Aykol, Eren Keskîn, Reyhan Çapan û Hasan Başak tên dadkirin.

Rojnameya FD ya hollendî aşkere kiriye ku nûçegihana wan Boerasma ji Tirkiyeyê hatiye dersînorkirin. Bonjer, Berpirsê Wêşanê yê heman rojnameyê gotiye “Cihê xemgîniyê ye ku li Tirkiyeyê rojnameger nikarin di nava aramiyê de karên xwe bikin.”

Heyeta Dadgehê di doza esasî ya rojnameya Ozgur Gundemê de biryar girt ku Kemal Sancili, xwediyê rojnameyê girtî bimîne. Dadkirin wê 10ê Nîsanê berdewam bike. Di dozê de neh kes tên dadkirin.

Ji bo wan 10 caran mûebeta zehmetkirî, mûebetek, 2 hezar û 552 sal û 10 meh cezayê girtinê tê xwestin. Herweha 3 milyon û 928 hezar TL(Lîreyên Tirkan) cezayê maddî wek tezmînata meinewî tê xwestin. Ev yek sansûra berbelav nîşan dide.

Doza Çapemeniyê ya KCKyê careke din hate taloqkirin ku heft sal in berdewam dike.

Rêxistina Efûyê di 100emîn roja kuştina Cemal Kaşikçiyî de li ber avahayi Konsolxaneya Erebistana Siûdiyê daxuyaniyek dan çapemeniyê. Daxwaz ji Neteweyên Yekgirtî (NY) hat kirin ku lêpirsînê bide destpêkirin.

Bi îdiaya ku “heqaret li Serokomarî kirine” 7 hezar lîre cezayê pereyan li her yek ji rojnameger Tûnca Ogreten û nivîskar Perîhan Magdenê hate birîn.

Di 23yemîn salvegera kuştina wî de rojnameya Evrensel û qurnefîl danîn ser gora rojnameger Metîn Goktepeyî.

13 partî wê bikaribin beşdarî hilbijartina rêveberiyên xwecihî bibin.

Şifreya(password) herî xerab a pênc salên dawiyê “123456” bûye. Sala 2012ê komeka hacker bi vê şifreyê malpera Wezareta Karên Navxweyî “hack” kiribû.

Li gorî daxuyaniya Wezareta Navxweyî, di sala 2018ê de lêkolîna parvekirinên 42 hezar û 406 hesabên medyaya civakî kirine. Ji van, derbarê 18 hezar û 376 kesan de lêpirsîn hatine vekirin.

RTUKê bi hinceta ku “Di nava civakê de kîndarî û dijminahiyê çêdike û hestên nefretdariyê belav dike” ceza li FOX TV û Halk TVyê birî ye. Wê bultena nûçeyan a şevê ya FOXê sê rojan, bernameya Halk Arenasi ya Halk TVyê jî heşt caran neyê weşandin.

Yek ji sedemên girtina Tûgba Bûlût, xebatkara rojnameya Yeni Yaşamê jî parvekirinên li ser medyaya civakî ne.