Dadgehê di doza dersdêr Nûriye Gulmen û Semîh Ozakçayî de biryara berdewamiya girtîtiyê stand ku 191 roj in di greva birçîbûnê de ne û ji 23yê Gulanê girtî ne. Doz wê di 28ê Îlonê de berdewam bike.

Cenazeyê Xatûn Tûglûkê ya ku rêûresma cenazeyê wê rastî êrîşeke nîjadperest hat li Dêrsîmê hat binaxkirin.

Raportorê Taybet ê Azadiya Fikr û Xweifadekirinê yê NYyê, Komîserê Mafên Mirovan ê Konseya Ewropayê û 12 rêxistinên navdewletî daxwaz kiribûn ku weke aliyê sêyem beşdarî dozên DMMEyê yên derbarê rojnamegerên ku li Tirkiyeyê girtî bibin. Ev daxwaz hat qebûlkirin.

Cenazeyê Xatûn Tûglûk dayika Alîkara Hevserokên HDPyê Aysel Tûglûkê îro li Dêrsimê wê saet 13.00ê bê binaxkirin. Alîkarê Serokwezîrê Tirkiyeyê Bekîr Bozdagî diyar kir ku êrîşkar wê li dadgehê hesap bidin.

Di daxuyaniya Wezareta Karûbarên Derve de hat diyarkirin ku “Digel hemû şîretên dostane Rêveberiya Herêma Kurdistanê dîsa jî di helwesta xwe ya referandûmê de bi israr tevdigere. Em dixwazin bibêjin ku wê berdêla vî tiştî hebe”.

Êrîş birin ser rêrûresma binaxkirina cenazeyê dayika Alîkara Hevserokên Giştî ya HDPyê Tûglûkê ku girtî ye. Malbata Tûglûk ji bo zerar nedin cenazeyê, ew ji ciyê ku hatiye binaxkirin derxist û birin mala Cemxaneyê.

Li Amedê jinekê li hewşa xaniyê xwe cismekî nediyar dît û dema ku xwest wî cismî bavêje ji derve, teqîn pêk hat. Jinik bi giranî birîndar bû.

Daneşîna pêşiyê ya dersdêr Gulmen û Ozakçayî sibê wê birêve biçe ku ji bo vegerin karên xwe dest bi greva birçîbûnê kiribûn. Bangewaziyên serbestiyê û beşdariya daneşînê li ser medyaya civakî tên parvekirin.

Serfermandariyê derbarê wan nîqaşan de daxuyanî da ku li Colemêrgê di operasyona bi SİHAyê kesek miribû û 3 kes jî birîndar bibûn: “TSKyê heta roja îro neketiye nava pratîkeke wisa ku zerarê bide welatiyên me yên sivîl/bêguneh”.

Li navçeya Şemzînanê ya Colemêrgê di encama êrîşa PKKiyan de cerdevanek mir, leşkerek û cerdevanek jî birîndar bû.

Di çarçoveya Hefteya Modeyê ya New Yorkê de koleksiyona bi navê “My Pussy, My Choice” ê (Quzê min, Biryara min) hat pêşkêşkirin ku cil û berg bi awayê "quz"an hatine sêwirandin.

Parlamentoya Iraqê derbarê referandûma serxwebûnê ya Rêveberiya Herêmî ya Kurdistana Iraqê de civînek lidar xist û referandûm ret kir.

Dozger Arisoyî nêrîna xwe ya derbarê rojnameger Tûgrûl Eryilmazî de aşkere kir û xwest ku ji ber sûcê “çapkirin û belavkirina weşanên rêxistina terorê” bê cezakirin. Doz hat taloqkirin.

Ji sedî 23yê jinan ji ber ku xwestine ji mêrê xwe cida bibin an jî nexwestine bi wan re li hev bên hatine kuştin. Di kuştina 3 jinan de mêran xwestine ku jinan weke xwe bi xwe kuştine nîşan bidin. Ji 21 zarokên keç ên ku rastî istismara zayendî hatine 2 ji wan Sûriyeyî bûne.

Dadgehê biryar girt ku rewşa girtîtiya Mûrat Sabûncû, Akin Atalay, Kadrî Gursel, Ahmet Şik, Emre Îper û Ahmet Kemal Aydogdûyî berdewam bike. Daneşîna sêyem wê di 25ê Îlonê de lidar bikeve.

Dadgehê weke şahid li berpirsê weşanê yê berê yê Cumhuriyetê Yıldız, koordînatorê nûçeyan Kuçukkaya, rêveberên berê yên Weqfê Tufekçîoglû, Înal û Kiraç, nûçegihan Îlknûr, nivîskar Soner û şêwirmendê darayî yê berê yê Weqfê Pamûkoglûyî guhdarî kir.

Li gorî daneyên Wezareta Dadê di girtîgehan de 69 hezar û 301 xwendekar hene. Îlgezdî Parlamentera CHPyê destnîşan kir ku di dîroka Tirkiyeyê de hejmara herî zêde ya xwendekarên girtî di dema vê desthilatdariyê de derketiye holê.

Dadgeha ku li doza Zarrabî dinêre, li DYAyê derbarê Zafer Çaglayanî wezîrê berê yê Aboriyê de biryara girtinê stand.

Serokwezîra Almanyayê Merkelê bertek nîşanî wê hişyariya geştê ya Wezareta Karên Derve ya Tirkiyeyê da û got, “Li welatê me rojnameger nayên girtin”. Wezareta Karên Derve ya Tirkiyeyê ji bo çûna Almanyayê welatiyên Tirkiyeyê hişyar kiribû.

Daneşîna duyem a doza Rojnameya Cumhuriyetê îro li Silivriyê berdewam dike. Îro wê li şahidan bê guhdarkirin.