Lijneya Giştî ya Parlamentoya Tirkiyeyê parlamenteriya Besîme Koncayê ku parlamentera Sêrtê ya Partiya Gelan a Demokratîk(HDP) bû, betal kir.

Lijneya Bilind a Hilbijartinan a Herêma Kurdistana Iraqê da zanîn ku amadekariyên ji bo hilbijartina endamên parlamentoyê û serokatiya herêmê hatine temamkirin. Hilbijartin dê di 1ê Çiriya Paşiyê de bê kirin.

Li Farqînê dema ku çawişê pispor Kizil ji wesayita xwe ya taybet dadiket, rastî êrîşeke çekdarî hat û mir.

Li Katalonyayê Sendîka û Saziyên Pîşeyî dan zanîn ku piştî di referandûmê de kiriyarên tûndkar ên hêzên çekdar ên fermî wan biryara greveka giştî daye.

Cezayê dersdar Ayşe Çelîkê yê 15 mehan hat pesendkirin ku bi rêya telefonê derketibû weşana zindî ya televizyonekê û gotibû ku “Bila zarok nemirin”.

DAIŞê berpirsiyariya êrîşa Las Vegasê girt ser xwe ku 50 kes miribûn. Hat diyarkirin ku êrîşkar beriya çend mehan bûye Misilman.

Aktivîst û parlamenterên jin di çarçoveya kampanyaya “Nabe ku ev yase wiha derbas bibin, jin destûrê nadin” de îro li baxçeyê Parlamentoyê civîna çapemeniyê lidar xistin.

Xelata Nobelî ya Tibê îsal sê zanyarên ji Amerîyê yên li ser rîtma laşê mirovîn xebitîn stand. Xwedanên xelatê Jeffrey Hall, Michael Rosbash û Michael Young in.

Rêberê dînî yê Şi’îyên li Iraqê, Ayetûllah Sîstanîyî daxuyand ku divê Herêma Kurdistana Iraqê bi Bexdayê re dest bi mûzakerekirinê bike, li ser vê daxuyaniyê herêmê eşkere kiriye ew ji bo mûzakerekirinê amade ye.

Li DYAyê di dema festîvala country muzîkê ya li Las Vegasê de dengên teqîna çekan hatine. Polîsê Las Vegasê aşkere kir ku 406 kesên birîndar rakirine nexweşxaneyan û 50 kes mirine.

Herêma Kurdistana Iraqê daxuyand ku kontrolkirina sînoran dê ji bo birêvebiriya Bexdayê neyê teslîmkirin.

Komisyona Kedê ya HDPyê di Rapora Karkerên Demsalî de cî daye pirsgirêkên karkeran û pêşniyaran.

Ceylan Onkol keçeka 12 salî bû ku di sala 2009ê de li Amedê hat kuştin. Ji dema kuştina wê heta niho bi tenê biryara "lêgerîna daîmî" hatiye dayin lê fail nehatiye dîtin. Parlamentera HDPyê pirsî: "Gelo biryara 'lêgerîna daîmî' ji bo borandina dema dadkirinê ye"

Iraqê aşkere kir ku di hinardeya neftê de wê tenê Bexda muhatabê Tirkiyeyê be. Serokwezîr Yildirimî jî got; “Tirkiye êdî wê her cure têkiliyên aborî û bazirganîyê û dîplomatîk bi hikûmeta navendî re birêve bibe”.

Semîh Ozakça dersdêrek e ku 204 roj in ji ber ew ji karê wî hatiye avêtin di greva birçîbûnê de ye. 23yê Gulanê ew hat girtin û ji wê demê ve di girtîgehê de dimîne

Şahê Erebistana Siûdiyê ji bo ku jin karibin ajokariyê bikin biryarnameyek derxist. Bi salane jin, li welêt ji bo protestokirina vê qedexeyê wêneyên xwe parve dikirin ku di dema ajotina wesayitan de hatibûn kişandin. Gelek jin jî hatibûn girtin.

Tirkiye, Misir, Libnan û Mirnişînên Erebî yên Yekbûyî li ser bangewaziya rêveberiya Iraqê ya navendî ambargoya seferên firînê danî ser Herêma Kurdistanê.

Ji sedî 72yê dengdêrên Herêma Kurdistana Iraqê ji bo referandûma serxwebûnê deng dan. Encamên fermî duhî hatin eşkerekirin.

Li gorî rapora Weqfa Hêviyê ya ji bo 28ê Îlonê Roja Xwebêçikirina Ferdî, rêjeya kuştinên bi çekên ferdî di sala 2017yê de li gorî sala 2016yê ji sedî 27 zêdetir bûne.

Meclîsa Tenduristiya Karkeran û Ewlekariya Karî aşkere kir ku 4 meh di ser “Belavoka ji bo ku ti karker nemirin” de derbas bûye lê di vê demê de 753 karker mirine.