Biryara qedexeya derketina derve ya ji bo 21 gund û gundikên Licêya Amedê, piştî operasyon bidawî bûye hatiye rakirin.

Parlamentera HDP'ê ya Colemêrgê Leyla Guven a 98 ro je di greva birçîbûnê de ye. Guven ji ber êşa singê wê ji bo nexweşxaneyê hatibû birin. Guven ji nexweşxaneyê derket ji bo mala wê hatiye birin.

Konseya Ewropayê li ser rojnamegerên di girtîhgehan de raporek eşkere kiriye. Li gor raporê li Ewropayê 130 rojnameger di girtîgehan de ne, ji wan 130 rojnamegeran 110 rojnameger di girtîgehên Tirkiyeyê de ne.

Bi tohmeta ku “propagandaya rêxistinê” kirine 2 sal û 6 meh ceza dane Veysî Altay, derhênerê belgefilmê bi navê Nû Jîn û Dîcle Anterê ku hiştiye film li Êlihê bê nişandan.

Li gorî daneyên Fona Alîkariya Bi Zarokan a Neteweyên Yekgirtî (UNICEF) ji sedî 21ê jinên li cîhanê, hîna zarok in tên zewicandin.

Polîsan Melîke Cehana ku berê li Ajansa Mezopotamyayê nûçegihan bû, li maleka li Sancaktepeyê desteser kiriye.

Nivîskar Şêxo Fîlîk li Yenî Sahneya Êlihê wê behsa nivîsandina çîrokan bike û wê pirtûkên xwe îmze bike.

Endamên Heyeta Aştiyê ya Navnetewî bi Hevseroka Giştî ya HDPyê Pervîn Bûldanê re civiya ne û bang li Tirkiyeyê kirine ku “li gorî yasayên xwe tev bi gere” û daxwaza rakirina tecrîtê kirin. Di nava heyetê de ji Arjantîn, Îzlanda, DYA û Ingiltereyê akademisyen, aktivîst, siyasetmedar û sendîkavan hene.

Dadgehên Stenbolê îro ceza dan du akademîsyenan. Akademîsyenekî salek û sê meh yekê jî salek û şeş meh ceyayê girtinê yê paşdedayî standiye. Ji bilî cezayê girtinê cezayê Gulsum Guvenlîya akademîsyen, “bi mecbûrî çûna mala şehîdan e.”

Li Hon Kongê bi tenê piştî emeliyata “genîtal” bi fermî guhertina navê zayendê tê qebûlkirin.

Li gorî Peymana Mafên Zarokan a Neteweyên Yekgirtî qedexe ye ku zarokan bidin şerkirin. Lê li gelek welatan zarokan dikin leşker.

Li 21 gund û gundikên Licêya Amedê bi sedema ku wê operasyona leşkerî çêbibe, derketina derve hatiye qedexekirin.