Mehmet Aydin ê li Şevîn Kafeya Stenbolê 2yê Adarê, siet 17.30ê di panela “dîyeteka baş û xeletiyên diyetê” de biaxive.

Bi sedema ku wê operasyon li Pîrana Amedê çêbibe, li 8 gundan derketina derve hatiye qedexekirin.

Serokwezîrê Pakîstanê, Imran Khan daxuyaniyek daye. Wî diyar kiriye ku Pakistan ê pîlotê balafira Hindistanê serbest bike.

Di doza kuştina Kemal Kûrkûtî de rapora Buroya Krîmînal a Netewî hatiye aşkerekirin: “Kûrkût ne bi guleya ku pekiya ye ne miriye, hatiye dîtin ku polîsê gumanbar Kûrkût kiriye hedef û gule bera daye”.

Parlamentera Amedê ya Partiya Gelan a Demokratîk (HDP), Semra Guzelê diyar kiriye ku li Girtîgeha Cûreyê Fyê ya Edirneyê, girtiyên dest bi greva birçîbûnê kirîn hatine tecrîdkirin.

Serokê DYAyê Trump û Serokê Koreya Bakur Kim Jong-unî di civîna li Vîetnamê de li ser mijara bêçekirina derbarê çekên nukleerê de li hev nekiriye. Merasîma îmzekirinê hatiye taloqkirin.

Dadgeha Qanûna Bingehîn, biryara xwe ya li ser herifîna Bayram Otel a Wanê eşkere kiriye.

Filmê Ahlat Ağaci yê Nûrî Bîlge Ceylanî di 51em Xelatên SİYADê de di 6 beşan de hêjayî xelatdayînê hatiye dîtin. Herweha Xelata Kedê ya SİYADê dane xebatkar û dildarên Sînemaya Beyoglûyê.

Girtîyên ji dozên PKK û PAJKê hatîn girtin daxuyandine ku ji ber hikûmet gavên pêwîst naavêje ew ê ji yekê Adarê pê ve dest bi greva birçîbûnê bikin, grev dê li hemî girtîgehan belav bibe.

Şaredariya Choisy-le-Roi ya Fransayê, Gultan Kişanaka li Girtîgeha Tîpa F ya Kandirayê girtî ye, hêjayî xelatkirinê dîtiye.

Heyeta Dadgeha Cezayê Giran a Stenbolê ya 37em 15 meh cezayê girtinê li du akademisyenan birî. Aşkerekirina biryaran hate taloqkirin.

Dadgeheka Awistiralyayê biryar dabû ku Kardînal, George Pell îstismara cinsî li du zarokan kiriye. Polîsan Kardînal girtiye. Dadgeh dê cezayê Kardînalî 13ê Adarê eşkere bike.

Programa Festîvala Filmên Jinan a Gerok a Navnetewî - Filmmor wê 4ê Adara 2019ê li Navenda Çandê ya Fransiziyan aşkere bibe.

Dozgerî xwest ku Onderoglû, Nesîn û Korûr-Fîncanci werin cezakirin ku bûne nobedarên weşana Ozgur Gundemê. Dozgerî daxwaz kir bi tohmeta “propagandaya rêxistinê”, “tehrîkirina sûcî”, “pesindayina sûc û sûcdaran”.

Hindistanê piştrast kiriye ku balafirên wan hatine xistin û diyar kiriye, wan jî balafireka Pakistanê xistiye.

Di doza kuştina Berkîn Elvanî de piştî bûyerê bi 6 şalan biryar hatiye dayîn ku li cihê bûyerê keşif çêbibe. Polîsê bergûman dîsa nehatiye girtin.

Mafparêzan di civîna çapemeniyê de diyar kirin ku bila demildest dest ji tirsandina bi plan û taciza hiqûqî berdin. Di daxuniyê de her wiha bal kişandin ser îdianameya derbarê Osman Kavala û 15 xebatkarên rêxistinên civaka sivîl.

Platforma Jinan ya 8ê Adarê li ser Roja Jinan ya Navneteweyî li Berpirsiyarîya Stenbolê ya Komeleya Mafên Mirovan daxuyaniyek xwend.

Yekîtîya Borsa û Odeyên Tirkiyeyê (TOBB) û Wezareta Perwerdeyê ya Neteweyî (MEB) hevpeymanek îmze kiriye.

Ji 5ê Kanûna Pêşiyê ya 2017ê heta 26ê Sibata 2019ê 486 akademîsyen hatine dadkirin.