ypg

Balafirên artêşa tirk li bakurê Helebê li herêma Maarrat Umm Hawshê çeperên YPGê bombebaran kir. Herwiha bi ser gundên Efrînê de jî bi tang û topan êriş kirin.

DAIŞê li başûrê Çobanbeyê bi rokêtan êrîşî tangên TSKyê(Hêzên Çekdar ên Tirkan) kirin, sê leşker hatine kuştin çar jî birîndar bûne.

Berdevkê Meclisa Leşkeriya Cerablusê Elî Heco got: “Belê me agirbestê qebûl kir. Lêbelê ev nayê wê wê wateyê ku em îşqalkirina Tirkiyeyê qebûl bikin.” Pentagonê jî daxuyand ku YPG derbasî rojhilatê Çemê Firatê bûye.

Operasyona TSKê ku li Cerablusê daye destpêkirin di roja 7an de didome. OSO bi piştevaniya TSKê ber bi başûrê Minbicê ve pêş de diçe. Li gorî nûçeya Wall Street Journalê eger ber bi Al Babê li dijî çeperên DAIŞê operasyon neyê kirin, wê Amerîka piştevaniya xwe ya hewayî qut bike.

TSKyê bi daxuyaniyekê dîyar kir ku wê digel AASyê li Cerablûsê li 21 cihan daye, hêzên hevpeymanê jî li DAIŞê daye.

Rayedarên Amerîkayê derbarê êrişên TSKê û komên girêdayê OSOyê ya li dijî YPG/YPJê de daxuyanî da û ragihand ku ew şer û êrişana nayên qebûlkirin û ew mudaxilê vê yekê nîn in.

Rayedarên Amerîkayê derbarê êrişên TSKê û komên girêdayê OSOyê ya li dijî YPG/YPJê de daxuyanî da û ragihand ku ew şer û êrişana nayên qebûlkirin û ew mudaxilê vê yekê nîn in.

AFP, ANF û ANHA ragihandin ku balafirên şer ên TSKê bi ser li Cerablusê bi ser gundên ku welatiyên sivîl lê dijîn de bombe barandin û di encamê de herî kêm 20 sivîlan canê xwe ji dest dane.

HDPê derbarê operasyona Cerablusê de daxuyanî da û got: “Tirkiye bi îşqalkirina Cerablusê ve dixwaze di warê fiîlî û hiqûqî de hebûna xwe di bin sîwana çeteyan ve berdewam bike. Ev hesabeke şaş e.”

Yildirimê Serokwezîr li ser operasyona Cerablûsê axivî û got: ‘’Mixalifên Sûriyeyê li Cerablûsê bi cî bûn, dest bi kontrolkirina qadên wir, gundan kirin. Cerablûs jî di nav de divê hemû qad ji YPG û PYDyê bê paqijkirin."

Berdevkê YPGê Rêdûr Xelîl ji radyoya Dengê Amerîkayê re axivî û got: “Armanca vê operasyonê ne DAIŞ e, hêzên kurd û serkeftinên me ne.”

Sê roketên ji Sûriyeyê hatine berdan li Kilîsê ketine, topeka hewanî li navçeya Karkamişê ya Dîlokê ketiye.

Berdevkê Wezareta Karê Derve yê Amerîkayê John Kirby, beriya civîna NATOyê li hemberî gotinên Serokomarê Tirkiyê Erdogan, got ku ew PYDê û YPGê weke rêxistinên terorê nabînin.

Serokomar Erdogan got: ‘Eger yên li dijî DAIŞê ne rêxistina teror ne, hûn çima ji El Nusrayê re dibêjin rêxistina teror? El Nusra jî li dijî DAIŞê berxwedaneke mezin dide.’

Ji bo bidestxistina xeta Manbic-Mareyê ku korîdora navbera DAIŞê û sînorê Tirkiyeyê ye, operasyona li ser Manbicê gelek girîng e. Lêbelê li ser vê operasyonê navbera YPG, Amerîka û Tirkiyeyê de kêşe pêk tê.

Di operayonên HSDê ya li dijî DAIŞê pêk tîne de wêneyek hatibû kişandin û di wê wêneyê de leşkerên amerîkî nîşaneya YPGê bi xwe ve daliqandibûn. Derbarê mijarê de îro him Pentagonê him jî Wezîrê Karên Derve Çavuşoglu daxuyanî dan.