Wezîrê Karên Derve yê DYAyê Tillersonî di çarçoveya serdana xwe ya welatên Rojhilata Navîn de duh hat Tirkiyeyê û ew û Erdogan 3 saetan kom bûn. Piştî hevdîtinê daxuyaniya fermî nehat dayin. Ji ber ku wergêr di civînê de nehatiye qebûlkirin, Wezîrên Karê Derve yê Tirkiyeyê Mevlût Çavûşoglû axavtin werger kirine.

Rex Tillerson Wezîrê Karên Derve yê DYAyê beriya ku bê Tirkiyeyê di dema geşta xwe ya Rojhilata Navîn de derbarê operasyona li ser Efrînê jî axivî. Tillerson îro wê bi Erdoganî, sibê jî bi Çavûşoglûyî re bicive. Tillerson “metirsiyên” DYAyê dubare kirin.

Serokwezîr, Bînalî Yildirimî ji bo rojnamegerê Almanî-Tirkiyeyî Denîz Yucelî got ew hêvî dike di demekê nêzîk de serbest bibe.

Komeleya Lêkolînên Kurdî 19yê Sibatê dest bi dersên Kurdî dike.

Dadgehê di doza nûçeyên derbarê Kamyonên MİTê de bi tohmeta ku “zanyariyên dewletê yên divê nepenî bimînin aşkere kiriye” 5 sal û 10 meh cezayê girtinê da Enîs Berberoglû, Parlamenterê CHPyê yê Stenbolê.

Piştî ku 170 kesan ji bo sekinandina Operasyona li ser Efrînê daxuyaniyek îmze kiribû, serokkomar, Recep Tayyîp Erdogan li dijî wan axivîbû. Prof. Dr. Baskin Oranî giliya Erdoganî kir û doza yek Lîre tezmînatê li wî kir.

Berdevkê Hikûmeta Almanyayê Seibertî got, ew xebatên xwe yên ji bo serbestiya Denîz Yucel û welatiyên din ên Almanyayê berdewam dikin.

Pervîn Bûldan piştî ku hevjînê wê hat kuştin û failê wî nehat diyarkirin tevlî rûniştina Dayikên/Mirovên Şemiyê bû û bi vî awayî jiyan û têkoşîna wê ya siyasî dest pê kir.

Serdozgeriyê derbarê Pervîn Bûldan Hevseroka Giştî ya HDPyê û parlamenter Sirri Sureyya Onderî de bi tohmeta ku “propagandaya rêxistina terorê kiriye, pesnê sûc û sûcdarî kiriye û dijminatî û kînê di nava gel belav bike” lêpirsîn daye destpêkirin.

Pervîn Bûldan û Sezaî Temellî di 3yemîn Kongereya Awarte ya Partiya Demokratîk a Gelan (HDP) de weke hevserokên nû hatin hilbijartin. Demîrtaş di lîsteya Meclîsa Partiyê de di rêza yekem de bû.

Dadgeha Enqereyê ji bo lêpirsînekê biryara desteserkirina hevseroka Partiya Gelan a Demokratîk(HDP), Serpîl Kemalnbayê daye.

Polîsan 10 kesên endamên Kongreya Demokratîk a Gelan(HDK) desteser kirin. Di nav desteserkiriyan de berdevkê HDKyê Prof. Dr. Onur Hamzaoglu jî heye.

Beriya kongreya ku wê roja yekşemê (11yê Sibatê) çêbibe Pervîn Bûldan û Sezaî Temellî weke namzetên Hevserokatiyê yên HDPyê hatin aşkerekirin.

Parlamenteriya Ferhat Encu Parlamenterê Partiya Demokratîk a Gelan (HDP) hat betalkirin, li gorî vê encamê hejmara parlamenterên HDPyê yên ku parlamenteriya wan hatiye betalkirin gihişte 7an.

Hollandayê eşkere kir ku wê bi awayekê fermî balyozê xwe yê li Tirkiyeyê vegerandiye. Li gor rojnameya Financial Timesê Tirkiye li bendê bû Hollandê lêborînê bixwaze. Li gor medyaya Hollandayê jî Hollanda li bendê bû lêborîn ji wê bê xwestin.

Wezîrê karên derve yê Hallandayê, Halbe Zijlstrayî da zanîn ku welatê wî bi awayekê fermî balyozê xwe yê li Tirkiyeyê vegerandiye. Ev salek bû Tirkiyeyê destûr nedida wezîrê Hollandayê bê Tirkiyeyê.

Serokkomarê Recep Tayyip Erdogan ji bo îro bi papayê Francesco re bicive şeva dî çûye Vatikanê. Mijara civînê dê rewşa Qudsê be.

Ji 11 endamên Konseya Navendî ya Yekîtiya Doktorên Tirkan Adiyaman, Horasan û Gokalp ji hêla Dadweriya Cezayan a Sulhê ve bi şertê kontrola edlî serbest man. Heşt doktor hîna li Midûriyeta Emniyetê tên girtin.

Li gor daneyên sala 2017ê nifûsa Tirkiyeyê: 80 Milyon û 810 hezar û 525 e. Rêjeya zêdebûna nifûsê ya salane di sala 2016ê de ji sedî 13,5 bû di sala 2017ê de ev rêje bûye ji sedî 12,4.

Du kes ji ber parvekirinên medyaya civakî yên derbarê operasyona li ser Efrînê hatin girtin. Li gorî vê emcanê hejmara kesên ku heta niha hatine girtin gihiştiye 34an.