YSK(Lijneya Bilind ya Hilbijartinan) ji bo siet û rojên herdu tûrên hilbijartina serokkomar û wekîlan eşkere kir.

Pêşniyaznameya hilbijartinê ya AKP û MHPyê hat qebûlkirin ku tê xwestin hilbijartina serokomariyê û ya parlamenteriyê di 24ê Hezîranê ya sala 2018ê de çêbibe.

Serokwezîrê Binalî Yildirim diyar kir ku ji bo hilbijartina pêşwext hin qanûn dê bêne guhertin. Ji bo wê yekê ew ê teklîfa guhertina 8-10 qanûnan bide.

Hevserokê Giştî yê berê yê HDPyê Demîrtaşî derbarê hilbijartina pêşwext de ji girtîgehê peyamek şandiye û gotiye: “Werin em dest bidin hev, em vê rikberiya tirsnak ji holê rakin. Em vê hilbijartinê bikin daweta demokrasî û biratiyê. Bawer bikin ku em dikarin bikin, bawer bikin û em bikin”.

Serokê Sûriyeyê Beşar Esadî gotiye “ez ê nîşana rûmetê ya dewleteka ku koleya Amerîkayêye li nik xwe nehêlim” û nîşan li Fransayê vegerandiye.

Bi hinceta ku ceza li wan hatiye birîn, parlamenteriya Osman Baydemîr û Selma Irmaka HDPyî hat betalkirin. Li gorî vê encamê heta niha parlamentiriya 11 parlamenterên HDPyê hatiye betalkirin.

Piştî ku bi Serokê Giştî yê MHPyê Bahçeliyî re civiya Serokomar Erdoganî aşkere kir ku ew ê hilbijartina pêşwext 24ê Hezîranê çêbikin.

MGK di bin serokatiya Erdoganî de kom bû û pêşniyara berdewamiya Rewşa Awarteyê kir.

Serokê Giştî yê CHPyê Kiliçdaroglûyî ji bo daxuyaniya Bahçelî, Serokê Giştî yê MHPyê ya derbarê hilbijartina pêşwext de got, "Em ê li bendeyî aktorê esasî bin". Hevseroka Giştî ya HDPyê Pervîn Bûldanê jî diyar kir ku "Bahçelîyî ew gotin ne bi serê xwe gotiye".

Devlet Bahçelî Serokê Giştî yê MHPyê xwest ku hilbijartina pêşwext çêbibe û ji bo hilbijartinê jî 26ê Tebaxê nîşan da. Berdevkê Hikûmetê Bekîr Bozdagî li ser vê daxuyaniyê axivî û got ku “Wê lijneyên me vê mijarê binirxînin”. Serokomar Erdoganî wê derbarê mijarê de sibê bi Bahçelî re bicive.

Polîsan rê neda ku CHPyî di salvegera referandûma 16ê Nîsanê de li Qada Taksîmê çalakiya rûniştinê li dar bixin. Çalakî li ber Konsolosxaneya Fransayê çêbû.

Parlamenterê HDPyê yê Îzmîrê Ertûgrûl Kurkçuyî pêşniyarnameyek pêşkêşî Parlamentoyê kir û xwest ku Wezareta Navxweyî pirsên derbarê binpêkirinên mafan ên ji hêla hêzên emnî ve pêt tên, bibersivîne.

Bi hinceta axavtin û parvekirinên wan ên medyaya civakî, Serdozgeriya Komarî ya Enqereyê ji bo 8 parlamenterên HDPyê bi tohmeta 4 sûcên cida fezleke amade kiriye.

Serokdewletê berê yê Katalonyayê Puigdemont ji Girtîgeha Neumuensterê hat telhiyekirin. Serokê Katalonyayê ji bo serbest bê berdan 75 hezar Euro daye.

Parêzer Karamanî got ku di muzekkereya girtiyê ya derbarê Demîrtaşî de dema girtîtiyê herî zêde 18 meh. Parêzer Karamanî diyar kir ku Demîrtaş 17 meh in girtiye û daxwaza tehliyeya wî kir.

Dema serokomarê Recep Tayyîp Erdogan çûyî Dewletên Yekbûyî yên Amerîkayê(DYA) li ber deriyê Balyozxaneya Tirkiyeyê ya li Washingtonê şer çêbûbû, du beşdarên wî şerî; Sinan Narin û Eyup Yildirimî 12 meh û rojek cezayê girtinê stand.

Ji heyetê parlamenter Glasmanî gotiye, “Em bi wê armancê li vir in ku li hemberî kesên dixwazin azadiya we tune bikin em piştgiriya we dikin”. Russel-Moyleyî jî diyar kiriye ku di vegerê de ew ê çavdêriyên xwe bi hemû parlamento û gel re par ve bikin.

Dadgeha Bilind biryara li ser sernivîserê rojnameya Cumhuriyetê betal kir. Dadgeha Cezayên Giran a Stenbolê ya 14. xwestiye ji nû ve doz li Dûndarî vekiriye û xwestiya navê wî li “Bûltena Sor” bê zêdekirin.

Malta, Slovakya û Luksembûrgê biryar girtin ku balyozên xwe ji Rûsyayê vekişînin. Piştî jehrîkirina Skripal sîxurê kevin li Îngiltereyê DYA û gelek welatên din biryara dersînorkirina dîplomatên Rûsî standibûn ku jehr yek ji wan jehrên ku Rûsya çêdike bû.

Di belavoka MGKyê de hatiye gotin ku dibe operasyon li hemberî Minbicê, Şingal û Qendîlê çêbibe.