Bloka Aştiyê, Yekîtiya Bo Demokrasiyê, Koma Diyalogê, Hewldana Welatiyan ji bo HDP xebat û siyaseta xwe bi awayekî azad pêk bîne, xebatên referandumê di derfetên wekhev de were kirin û parlementerên girtî serbest were berdan bang li her kesî kir ku dengê xwe bilind bikin.

UNICEFê eşkere kir ku li Somalî, Nîjerya, Sûdana Başûr û Yemenê ji ber destpêkirina xelayê metirsiya mirina 1,4 milyon zarokan heye.

M.A.A. hewil dabû Weqfa Çand û Perwerdeyê ya Mûjdat Gezenî bişewitîne, wî di îfadeya xwe ya ji bo polîsan de gotiye: “Ji ber ku heqaret li neviya Abdûlhamîtî kiribû wek bertekekê min we kir.”

Rêxistina sivîl “Save THE Chidren” ku navenda wê li Londrayê ye, li ser destpêkirina operasyona li dijî DAIŞê ji bo 350 hezar zarokên li Mûsilê hişyarî kir.

Avahiya Navenda Çanda Mujdat Gezen ku li Stenbol Kadikoyê ye şewat pêk hat. Mujdat Gezen got ku keseke agir berdaye avahiya navenda çandê.

Lêkolîna SAMERê nîşan da ku li bajarên kurdan ji bo referanduma makeqanûnê de rêjeya dengên ‘na’ zêdetir e.

Li gor rapora Berpirsiyarîya Amedê ya Komeleya Mafên Mirovan, di 2016ê de 150 zarok di xwenîşandan an jî di malên wan de hatine desteserkirin 40 ji wan hatin girtin.

Li Çeneqeleyê duhî erdhêjeka bi pileyê 5.2 çêbûbû, serê vê sibeyê du erdhêjên bi pileyên 5.3 û 4.3 çêbûn.

Walîtîya Dîlokê da zanîn ku ji bo mehekê li Dîlokê hemî çalakîyên li derveyî avahiyan yên wek kampanyayên îmzekomkirinê, daxuyaniyên ji bo çapemeniyê û hwd. qedexe ne.

Ridvan Dilmen ji bo di referandumê de dengê erê were dayîn kampanya dabû destpêkirin. Gelek sazî û rêxistinên jin, ciwan û alîgirên fitbolê li hemberî kampanyaya Dilmen bersiv dan û bangewzî kirin ku divê her kes di referandumê de bêje na.

Ji beriya 10 salan berpirsê weşana AGOSê, Hrant Dînk hat kuştin. Di salvegera 10. a kuştina wî de li ber deriyê AGOSê Dînk tê bi bîr anîn.

Ceylan Onkol keçek 12 salî bû ku dema wê heywanên xwe ji bo çêreyî biribû derve bi teqînekê miribû. Malbata Onkolê li DMMEyê doz li dewletê vekir lê DMMEyê biryar da ku de mafên mirovan nehatine binpêkirin.

Li Amed û Şirnexê teqîn pêk hatin. Li Amedê polîsek mir, li Şirnexê jî hin kes birîndar bûn.

HDPê derbarê wan dîmenên ku li Sûrê hatibû kişandin de pirsname da meclisê. Di wê dîmenan de dixwiyê ku tîmên taybet jin û zarokan tazî dikin û bi heqerat û dijûnan ve wan kontrol dikin. HDPê ji meclisê pirsî ka wan dîmenan kî kişandiye û weşandiye û aqûbeta wan ji n û zarokan niha çiye?

Monomentê Robozikê hat rakirin, karmendên Birêveberiya Komeleyan dest danî ser malên Komeleya Edaleta ji bo Robozikê Aştiya ji bo Cîhanê (Roboski-Der).

Serokê Partiya Nijadperest a Gelî(MHP), Devlet Bahçelîyî diyar kir ku heke ji bo guhertina Makeqanûnê 330 deng neyê dayin divê hilbijartin bê kirin. Bahçelîyî got divê Ahmet Turk li derveyî girtîgehê bê dadkirin.

Baroya Dêrsimê ji bo Geliyê Mûnzûrê doz li Wezareta Çedn û Hunerê vekir. Wezaretê biryar dabû ku Geliyê Mûnzûrê nekeve Lîsteya Nirxên Çanda Dinyayê ya UNESCOyê.

Serokkomarê berê yê Îranê, Alî Ekber Rafsancanî di 82 saliyê de, tepa dilî girtiye û pê miriye.

6ê Kanûna Paşiyê Noela Ermeniyan e û Teofanîaya Rûman e, bila pîroz be.

Walîtîya Amedê da zanîn ku operasyonên li dijî PKKyê hatine dest pê kirin û ji ber wan operasyonan li 10 gundên Amedê derketina derve qedexe ye.