Meclîsa Ewlehî û Saxlemiya Karî(ISIG) raporek weşand, li gor raporê di meha Gulanê de ya kêm 166 karker ji ber karê xwe mirine.

Heyeta Dadgehê di nehemîn danişîna doza esasî ya rojnameya Ozgur Gundemê de biryar girt ku qedexeya derketina ji derveyî welat a li ser Eren Keskînê berdewam bike. Dîsa li gorî heman biryarê wê Kemal Sancili girtî bê dadgehkirin û doz wê 19ê Çiriya Pêşiyê berdewam bike.

Serokkomar û serokê Partiya Edalet û Pêşdeçûnê(AKP) Recep Tayyîp Erdogan duhî li Diyarbekirê axivîye. Dema ku wî axiftina xwe ji şaşeya prompterê dixwend prompter xera bûye, axiftina wî ya li ser şaşeyê neherikîye, ew jî bêdeng bûye.

120 karkerên Flormarê ji ber ku bûne endamên sendîkayekê ji karê xwe hatine avêtin û dest protestoyê kirine herweha 94 rêxistinên jin û LGBTIyan piştgiriya xebatkarên Flormarê kirine.

Belgefilma peykersaz Seywan Saedianî ya bi navê “Bayekî Xewnên Peykerên Min Dizî” wê li Stenbolê li MSGSUyê bê nîşandan. Piştî nîşandana filmî wê Saedian li ser filmê xwe biaxive.

Ji herêma Basyanê ya Iraqê êrîşî yekîneya leşkerî ya li Colemêrgê ewlehiya çêkirina rêyê dikirin hatiye kirin û di encamê de 3 leşker mirine.

282 navên ji nifşê 68an bi daxuyaniyekê aşkere kirin ku ew di hilbijartinê de piştgiriya Selahattîn Demîrtaşî dikin.

Komeleya Navneteweyî ya Zelalîyê(Transparency Internatıonal-TI) li ser wextê televizyona dewletê ji bo berbijarên serokkomariyê cida kiriye raporek amade kirine.

Li Lünebacha Almanyayê 2 Şêr, 2 piling, hirçek û jaguarekê li bexçeyê heywanan zindanî bûn xwe ji zindanê xelas kirine û reviyane. Polîsan hirça gihayî azadiya xwe kuştiye.

Mariano Rajoy Serokwezîrê Îspanyayê ku bi gendeliyê dihat tohmetkirin, nekarîbû li parlamentoyê dengê pêbaweriyê bistîne û di encamê de hikûmet hilweşiya. Rajoyî rêveberiya xweser a Katalonyayê hilweşandibû.

Însyatîfa li Faytonan* Siwar Nebe Pê Hesp Dimirin dê îro li Kadikoyê siwarbûna li faytonan protesto bike.

Facebookê li zêdetirî 10 welatan dest bi bernameya piştrastkirina nûçeyan kiriye. Hevkara wê ya li Tirkiyeyê teyit.org e.

Kesên ji bo pêncem sala bîranîna Berxwedana Geziyê hatin, li ber bariyerên ku polîsan li ber Konsolxaneya Fransayê kom bûn.

Ji bo hilbijêrên li derveyî welatî pûsûlayên dengdanê hatine çapkirin. Ji bo hilbijêrên li Tirkiyeyê jî karmendan duhî dest bi çapkirina pûsûlayan kiriye.

Li Erebistana Siûdiyê ji hêlekê çavlirê ye ku qedexeya ajotina wesayitan a ji bo jinan bê rakirin lê li hêla din jî aktivîstên mafên jinan tên girtin û hedef tên nîşandan. Rêxistina Efûyê daxwaza serbestiya aktivîstan dike.

Dadgeha Cezayên Giran a Enqereyê ji bo Emîrhan Baysalê ku li ser fanîlê/tîşortê wî Hero(qehreman, leheng) nivîsîbû biryara beraetkirinê daye.

Lijneya Bilind a Hilbijartinan(YSK) ji bo hilbijêrên ji çavên xwe ve kêmendam bikarin dengê xwe bidin destûra bikaranîna şablona dengdanê daye lê ji bo vê projeyê bûtçe cida nekiriye.

Bi hinceta hatina 5emîn salvegera berxwedana Geziyê, ji ber ku banga derketina Parka Geziyê hatiye kirin polîsan park bi bariyeran dorpêç kiriye. Hin rêyên ku diçin Taksîmê jî ji çûnûhatinê re hatine girtin.

Berbijarê Partiya Gelan a Demokratîk(HDP), Selahattîn Demîrtaşî bi nivîskî bersiva pirsên FOX TVyê daye.

Di lîsteya misoger a Lijneya Bilind a Hilbijartinan (YSK) de ji HDPyê li 13 namzetan, ji İYİ Partiyê li şûna 6 namzetan, ji Partiya Saadetê li şûna 6 namzetan, ji Partiya Vatanê li şûna 3 namzetan, ji MHPyê li şûna 2 namzetan, ji AKPyê li şûna namzetekî, ji CHPyê li şûna namzetekî û ji HUDA PARê li şûna namzetekî yên din hatin diyarkirin.