Wekîlê serokê koma AKPyê(Partiya Edalet û Pêşketinê), Bulent Turanî da zanîn ku AKPyê teklîfa guhertina qanûna ji bi leşkeriya bi bedel amade kiriye û ew ê îro teslîmî meclîsê bike.

Dozgeriya Komarê ya Amedê ji bo du wekîlên ji HDPyê(Partiya Gelan a Demokratîk); Remziye Tosun û Musa Farisoğullarıyî bi sûcê “propagandaya ji bo rêxistina terorê lêpirsînnameyek amade kiriye.

Wekîla ji Partiya Gelan a Demokratîk(HDP), Leyla Gûven di girtîgehê de ye, wekîya HDPyî Meral Daniş Beştaşê bi pirsnameyekê ji meclîsê pirsî “çima Leyla Gûven di girtîgehê de ye?”

Piştî hewildana 15ê Tîrmehê gelek kes hatin girtin, desteserkirin û ji karê wan hatin derêxistin. Me ji raporên navneteweyî agahî berhev kirin.

Atolyeya nûçeya a AtolyeBİAyê ya Weqfa Ragihandinê ya IPSyê/bianetê bi dersa “Ji bo Rojnamegeran Atolyeya Nûçegihaniyê” dest pê kir. Ji bajar û zanîngehên cuda 17 kes beşdarî AtolyeBİAyê dibin.

Dadgeha Cezayên Giran a 14. a Stenbolê, ji bo 13 rojnamegerên bi dorê bûyîn berpirsên weşana rojnameya Ozgur Gûndemê îro biryar da.

Girtiya trans a jin Bûseyê di 38emîn roja greva xwe ya birçîbûnê de biryar girtiye ku navberê bide çalakiyê. Parêzer Eren Keskînê got ku, heke Bûse neşînin girtîgeheke din û ji bo operasyona tibî neşînin nexweşxaneyê, ew ê dîsa dest bi greva birçîbûnê bike.

Nivîskarê kitêbên helbestan yên bi navê “Kêsek” û “Êşefa Temenekî” Rêdûr Dîjle duhî li Stenbolê, li Şevîn Kafeyê kitêbên xwe îmze kirin û gotarek pêşkêş kir.

Dadgeheke Îtalyayê biryara xwe ya derbarê welatiyekî Îtalyayê de aşkere kiriye ku sala 2010ê ji du penaberên li Îtalyayê re gotiye “bicehimin” û êrîşî wan kiriye. Gotina “bicehime” weke gotina “nîjadperestiyê” hatiye qebûlkirin.

Li Wanê dîwarekê dîrokî hilweşiyaye. Zarokekê 11 salî yê bi navê Harun Cengîz li bin dîwarî maye û miriye.

Ji ber hewildana derbekirinê 289 doz hatine vekirin. Ji bo 194 dozan dadgehan biryar daye.

Sedat Pekerê ku bi gotinên “em ê xwîna we birijînin û pê serê xwe bişon” gef li Akademisyenên Aştîxwaz xwaribû û ji ber van gotinan dihat dadgehkirin, beraet kiriye.

127 rojnamegerên ku ji ber xebatên xwe yên rojnamegerî û dosyayên siyasî heta 1ê Tîrmehê di girtîgehê de bûn. Ji 127 rojnamegeran 33 ji wan tên dadgehkirin. Lêpirsîna 40 rojnamegeran berdewam dike, 24 rojnamecer ceza xwarine, dosyaya 30 rojnamegeran li ber destê dadgehek bilind e.

Li navçeya Farqînê ya Amedê, di navbera PKKyî û hêzên ewlehiyê de pevçûn derketiye. Di encamê de cerdevanek hatiye kuştin, yek jî birîndar bûye.

Bînalî Yildirim di tûra sêyem a hilbijartina Serokatiyê de weke Serokê TBMMyê hatiye hilbijartin.

Li Qibrisê ferhengek ji bo rojnamegeran hatiye amadekirin. Ferheng bi navê “Peyvên Girîng: Ji bo Rojnamegerên li Qibrisê Ferhengek” hatiye weşandin.

Serokkomarê Recep Tayyîp Erdoganî 10ê Tîrmehê di balafira li ser rêya Bakurê Kibrisê de bersiva pirsên rojnamegeran daye, pesnê wezîran daye û gotiye qîmetê Dolaran dê bikeve lê qîmetê dolarekê bû 4,97 Lîreyên tirkan(TL).

Li Rûsyayê ji bo Kûpaya Cîhanê lîstikên tepa pêyan têne lîstin. Fransayê bi 1-0 karî Belçîkayê û Xirwatistanê bi 2-1ê karî Brîtanyayê. Herdu tîm dê ji bo kûpayê lîstika dawiyê(fînalê) bi hev re bilîzin.

Ji bo piştgiriya bi Bûse, girtiya jina trans kampanyaya nameyên elektronîk hatiye destpêkirin ku Bûse li Girtîgeha Mêran a Tîpa F a Tekirdagê tê girtin.

Walîtîya Enqereyê hemî çalakiyên rêxistinên LGBTan yê li Enqereyê qedexe kiribûn, Kaos GLyê ji ber vê biryara walîtîyê li Dadgeha Mafên Mirovan a Ewropayê doz lê vekir.