Nobeta Edaletê ya Malbata Şenyaşarî di roja 563emîn de dewam dike. Malbatê li ser hesabê xwe yê medya civakî ragihandiye û gotiye, “Rêya bidestxistina edaletê, piştevanî, yekitî û hevgirtin e.”

Seroka Komîteya Jêr a Astengkirina Îşkenceyê ya Neteweyên Yekgirtî Suzanne Jabbourê gotiye, Tirkiye bi taybet ji bo ku di saetên destpêkê yên desteserkirinê de desteserkiriyan li dijî îşkence û kiryarên xirab baştir biparêze, divê zêdetir gavan biavêje.

Wezareta Tenduristiyê ya Sûrîyeyê aşkere kiriye ku li herêmên di bin kontrola hukumeta Şamê de 23 kes ji ber nexweşiya Kolerayê mirine. Her weha li Bakûrê Rojhilatê Sûriyeyê jî ji 5ê Ilonê heta niha 16 kes ji ber heman nexweşiyê mirine.

Parêzeran daxwaz kiriye ku dozê bixin nava sûcên li dijî mirovahiyê. Heyeta Dadgeha 6ê ya Cezayê Giran a Enqereyê daxwaza parêzeran nepejirandiye û li gorî daxwaza dozgerî biryar daye. Li gorî vê biryarê doza qetilkirina Mûsa Anterî betal bûye.

Doktar Zeynep C.ya afganistanî: “Em li Tirkiyeyê tenê hilmê distînin. Em hewl didin ku zikê xwe têr bikin. Lê jiyan ne ev e. Em najîn. Em hewl didin li jiyanê bin. Ez nikarim zarokên xwe bidim xwendin. Zarokên min ne bextewar in. Keder ji navê min dihelîne.”

Şaxa OHDê ya Amedê û Komeleyan Jinan a Rosayê serdana Emîne Şenyaşara ku li pêşiya Edliyeya Rihayê di Nobeta Edaletê yê kirine.

Polîsan destûr nedaye ku beriya dadgehkirina Dayik/Mirovên Şemiyê, li ber avahiya dadgehê civîna çapemeniyê li dar bêxistin. Mafparêz, rêveberên partî û sendîkayan jî tê de 10 kes desteser kirine.

Parêzerê Emre Olûrî, Ersan Barkin îdia kiriye ku “Çav li rê ye li dijî rojnamegerên mixalif operasyonek pêk bê.”

Rêxistina Mafên Mirovan Hengawê ragihandiye ku ji bo protestokirina qetilkirina Jîna Mahsa Amînîyê li 24 bajarên Îranê çalakiya grevê hatiye destpêkirin. Li gorî rêxistinê di encama çalakiyan de 3 kes hatine kuştin, 221 kes birîndar bûne û 250 welatiyên Kurd jî hatine revandin.

Mohamed Abdullahî, welatiyê Somaliyê ye û restoranta wî rastî êrişa nijadperestî hatibû. Omer Farûk Gergerlîoglû, parlamenterê HDPê ragihandiye ku wê Abdullahî bişînin Navenda Şûnve Şandinê.

Dadgeha Destûra Bingehîn daxwaza HDPê ya ji bo guherîna dadger Irfan Fîdanî qebûl nekiriye û ji bo parastinê 30 roj demên din daye partiye.

Piştî ku Mahsa Amînî hate kuştin, li Îranê xwenîşandan dewam dikin. Li gorî daxuyaniya Rêxistina Mafên Mirovan a bi navê Hengawê, di dema xwenîşanan de bi kêmanî 250 kes hatine desteserkirin.