Buroya Lêpirsînê ya Federal (FBI) di çarçoveya biryara lêgerînê de bi ser mala serokê berê yê DYAyê Donald Trump a li Floridayê de girtiye û tê de lêgerîn kirine. Trump gotiye, “Pêştir tiştekî bi vî rengî nehatiye serê Serokekî DYAyê.”

Dadgeha Destûra Bingehîn di doza kuştina Alî Îsmaîl Korkmazî de biryara xwe daye û gotiye ku "hêla rêgez û madî ya qedexeya eziyetkirinê hatiye binpêkirin."

Pirsgirêka di navbera Çîn û Tayvanê de piştî serdana Seroka Meclîsa Nûneran a DYAyê Pelosiyê gûrtir bûbû û ev pirsgirêk niha bi tatbîkatên leşkerî yên ku her du welat pêk tînin, dewam dike. Wezîrê Karûbarên Derve Yê Tayvanê Vu gotiye ku Çîn bi van tatbîkatên dawiyê re "Amadekariyê dike ku Tayvanê dagir bike."

Di çarçoveya bernameyê de heta Sibata 2023yê wê pênc kargeh pêk bên. 15 zarok wê bikaribin beşdarî kargehan bibin.

Piştî Henri Barkeyî aşkere kir ku wî xwarin ne bi wî, lê bi Asli Aydintaşbaşê re xwariye, Osman Kavalayî daxuyaniyek weşandiye: "Dadgehkirinên nehiqûqî di bin bandorên siyasî de û bi îdianameyên ku dozger rastiyan vedişêrin, diguherînin, li gorî teoriyên komployê binav dikin tên amadekirin pêk tên."

HDPê di 13emîn salvegera mirina hunermend Aram Tîgranî ew bi bîr aniye. Her weha HDPê gotiye,“Qeyûmên ku îradeya gelê Kurd desteser kirin, êrişî mîrateya Aram Tîgran jî kirin û konservatuara li ser navê wî girtin.”

Li Girtîgeha Tîpa T a Seydîşehîrê 7 girtî bi vîrusa Covîd-19ê ketine.

Ji ber germa zêde ya li Rihayê, Malbata Şenyaşarî ev demeke çalakiya xwe ya bi navê Nobeta Edaletê li bexçeyê avahiya edliyeyê dewam dikir.

Fona Halxweşiya Ajalan a Navnetejî, ji bo peywendiya di nava pisîk û mirovan de xurt bike û balê bikişîn eser xweşhaliya ajalan, di sala 2002yê de Roja Pisîkan a Navnetewî ragihandiye.

Hatiye diyarkirin ku êrîşa bombeyî li herêmeke ku zêdeyiya nifûsa wê şîe bûne, pêk hatiye û êrîşa bombeyî berî bîranînên roja Eşûrayê hatiye kirin.

Neteweyên Yekgirtî ji bo ragihandina agirbestê ya di navbera Îsraîl û Xezeyê de pêk hatiye, kêfxweşiya xwe aşkere kiriye. Agirbest bi navbeynkariya Misrê çêbûye. Tevgera Cîhada Îslamî gotiye, “Ger Îsraîl şert û mercên me yên qebûl kirine, pêk neyne, em ê weke ku peyman nebûye tevbigerin."

Di navbera 25ê Tîrmehê û 1 Tebaxê de hejmara kesên bi Covîd-19ê ketine bûye 406 hezar û 322. Her weha 337 kes jî ji ber nexweşiyê mirine.

Malbata Şenyaşara ku Nobeta Edaletê didomîne destnîşan kiriye û pirsiye, “515 roj in ev zilm çima berdewam dike?”

Malbatan diyar kirine ku serdana Serokê Giştî yê CHPê watedar û girîng e, lê belê heta hesap ji berpirsyaran neye pirsîn wê helalkirin çênebe.

1130 ciwanên temenê wan di navbera 18-35an de beşdarî lêkolînê bûne û li şûna saetên kar zêdetir dixwazin rojên xebatê were kêmkirin.

Li gundekî Karaza Amedê li girê bi navê “Girê Filan” (Girê Filehan) 2 hezar û 687 berhemên dîrokî hatine dîtin ku dîroka wan digihîje Beriya Zayînê. Çar sal in li wî grî xebatên arkeolojiyê didomin.

Di rapirsiya hilbijartinê ya Metropolê ya Tîrmehê de, deng di navbera her du blokên serdest de hema hema wek hev hatine belavkirin. Li gorî rapirsiyê rêjeya dengê HDPê ji sedî 11î derbas kiriye û ji bo diyarkirina encamên hilbijartinê HDPê hînê hêza serekeye.

Kemal Kiliçdaroglû, Serokê Giştî yê CHPê di çarçoveya “Hevdîtina Helalkirinê” de îro serdana Roboskiyê kiriye. Di 8ê Kanûna Pêşiya 2011an de bi balafirên şer li Roboskiyê 34 kes hatin qetilkirin.

Çiyayê Şerefdînê bi zozanên xwe yên rengîn bi salane ji bo koçer û sewalkaran bûye malbendekî grîng. Bi destpêka biharê re koçer û welatiyên li wê herêmên niştecê ne dibin mêvanê av, hêşnayî û zozanên Şerefdîna rengîn.

Biryara derbarê tayînkirina Ersoyî de bi îmzeya Erdogan di Rojnameya Fermî de hatiye weşandin.