Ajansa Anadolûyê ragihand ku Tirkiye û Rûsyayê ji bo agirbesteka li Rûsyayê li hev kiriye û li ser planekê dixebite. Berdevkê Kremlînê Dmitriy Peskovî got “li ser wê yekê agahiyên min ên berfireh nînin.

Numan Kurtulmuş piştî Civîna Lijneya Wezîran daxuyanî da ji çapemeniyê re. Kurtulmuş li ser pirsa nûçegihanê Cumhuriyetê Sînan Tartanoglu ya derbarê “2 leşkerên ku tê îdiakirin DAIŞê wan şewitandiye” de bersiveke tund da.

Serokkomarê Qibrisa Bakurî, Mustafa Akinciyî eşkere kir ku heke 8-10 maddeyên çareserkirina Qibrisê bê pêkanîn çêdibe li Havîna 2017ê, li Qibrisê referandûm bikeve di rojevê de.

Dadgeha Enqereyê ya Sûlh û Cezayî ya 7. çêkirina nûçeyên li ser kuştina balyozê Rûsyayê yê li Tirkiyeyê qedexe kir.

Wezareta Karên Hundir daxuyand ku derbarê bi sedan kesan de ji ber parvekirinên di medyaya civakî de bi hinceta ‘nav li gel dikin ku wan kîndar û xwedînefret bikin, pesnê rêxistinê didin, heqaretê li mezinên dewletê dikin’ ve lêpirsîn daye destpêkirin û li gorî vê yekê di 6 mehên dawî de 1565 kes hatine girtin.

Şenol Buran Çayfiroşê Rojnameya Cumhuriyetê ye. Wî gotiye ku ew ê çayê nede serokkomarî li ser vê yekê polîsan ew girtiye.

Bi daxwaza Serdozgeriya Dadgeha Amedê, cihgira hevserokên HDPyê Aysel Tugluk li Enqereyê hat desteserkirin.

Bavê yek ji wan leşkerên ku DAIŞ îdia dike wê ew kuştine got ji bo malbatê ti agahî nehatine dayin.

Dadgeha Bakirkoyê biryara serbest-berdana Pervîn Buldanê da. Buldanê ji bianetê re got wê îfade nedaye.

Polîsan Pervîn Buldana parlamentera HDPyê û cihgira serokê parlamentoyê vê sibeyê li mala wê desteser kir.

Dadgehê daxwaza bera’etkirinê ya herçar akademîsyenên aştîxwaz, Esra Mungan, Meral Camci, Muzaffer Kaya û Kivanç Ersoyî qebûl nekir. Herçar akademîsyenan îmze avêtibûn bangewaziyeka aştiyê.

Serokwezîr Yildirim di civîna serokên bajêr ên partiya xwe de axivî û derbarê makeqanûna nû û geşedanên li Sûriyê de nirxandinan kirin.

Baluken di nameya xwe de got: “Êrişên bêhiqûqî, li vir jî bi tecrîtkirinê pêk tên.” Gulser Yildirim jî got: “Ji bo welateke ku her kes bikaribe tê de bijî, divê her kes bi awayekî aştiyane berxwe bide.”

Şaredariya Bajarê Mezin a Amedê tabelaya xwe guhert. Navê Amedê hatiye rakirin, T.C. û alaya Tirkiyeyê li tabelayê hatiye zêdekirin.

HDPyê li ser dema qedexeya derketina derve ya Geverê raporek çêkir. Qedexeyê 78 rojan dom kir. Di wê demê de 90 kes mirine û 6 hezar û 707 mal tehrîb bûne.

Wezîrê Karên Derva Çavuşoglu daxuyand ku wê navê Balyoz Andry Karlov ku hate kuştin bidin kuçeya ku Balyozxaneya Rûsyayê lê ye.

Erdogan û Pûtîn di daxuyaniyên xwe yên duh de gotin ku kuştina Balyozê Enqereyê ya Rûsyayê Andrey Karlovî provakasyoneke lî dîjî pêywendiyên navbera Tirkiye-Rûsyayê ye.

Li hemberî Balyozê Rûsyayê Andrey Karlov yê li Enqereyê êrişa çekdarî pêk hat. Karlov bi giranî birîndar bû û ew rakirin nexweşxaneyê.

Polîsan parlamenterê Îdirê, Mehmet Emîn Adiyaman desteser kiribû, Dadgeha Enqereyê biryara serbest-berdana parlamenterî da.

Parlementerê AKPê Yeneroglu diyar kir ku êrişên li dijî avahiyên HDPê bi ti awayî nayê qebûlkirin.