Li Farqînê bi tohmeta ku istismara zayendî li zarokekî kiriye futbolîstek hatiye girtin

Ji bo nûçeya tirkî / ingilîzî bitikîne
Futbolîst B. J. yê ku li navçeya Farqînê ya Amedê di tîma Silvan Belediyesporê de dilîze, bi tohmeta ku “istismara zayendî” li zarokekê kur ê 12 salî kiriye hatiye girtin. B. J. şandiye Girtîgeha Tîpa D ya Amedê.
Bûyer, piştî ku zarokî ji dêya xwe re behs kiriye, derketiye holê. Malbata zarokî giliyê futbolîstî kiriye û B. J. hatiye desteserkirin. B. J. di îfadeya xwe ya dozgeriyê de tohmetên li ser xwe qebûl nekiriye.
Zarokî li gel pedagogî îfadeya xwe daye
Pedagogek jî di dema îfadegirtina zarokî de ya li dozgeriyê hazir bûye û zarokî behsa hemû detayên êrîşa zayendî kiriye. Pedagogî diyar kiriye ku gotinên zarokî hev digirin û ev jî rastiya wan derdixe holê.
Piştî îfadeya wî ya li gel Dozgeriya Komarî, ew bi daxwaza girtinê şandine ber Dadweriya Silh û Cezayan a Farqînê. B. J. yî li pêşberî Dadweriyê jî tohmet qebûl nekiriye.
“Wê zirara darayî li bergumanî bibe”
Huseyîn Tayinmak, parêzerê B. J. yî gotiye ku heke muwekilê wî bê girtin wê zirareke mezin a darayî li wî bibe û daxwaz kiriye neyê girtin.
Lê Dadweriyê bi sûcê ku “istismara zayendî ya li zarokan” kiriye biryara girtina B. J. yî daye.
B. J. şandiye Girtîgeha Tîpa D ya Amedê.
Li gorî rapora Çiriya Paşiyê (Mijdar, Sermawez) a bianetê herî kêm 32 zarokên keç û sê zarokên kur rastî istismara zayendî hatine. (EMK/FD)
RAPORA TUNDKARIYA MÊRAN - ADAR 2025
Mêran di Adarê de 24 jin kuştin

23EMÎN MEŞA ŞEVA FEMİNÎSTAN
Jin û LGBTI+ li Taksîmê ne: "Heta wekhevî pêk neyê ev serhildan wê bi dawî nebe"

RAPORA TUNDKARIYA MÊRAN - SİBAT 2025
Mêran di Sibatê de 17 jin kuştin

Nîmet Tanrikûlû tehliye bû

RAPORA TUNDKARIYA MÊRAN - KANÛNA PAŞİYÊ 2025
Mêran di Kanûna Paşiyê de 28 jin kuştin
