Jin û LGBTI+ li Taksîmê ne: "Heta wekhevî pêk neyê ev serhildan wê bi dawî nebe"

23emîn Meşa Şeva Feminîstan di 8ê Adarê Roja Jinan a Cîhanî de pêk hat. Jin û LGBTÎ+ li Kolana Siraselvîlera Taksîma Stenbolê kom bûn.

Meş wê saet di 19:30an de dest pê bike. Jin û LGBTI+ di bin dirûşma “Têkoşîna me ya femînîst jiyana me û cîhanê diguherîne” li hev kom dibin û daxwazên xwe yên mafan tînin ziman.

Bê navber dirûşmên "Em bêdeng namînin, natirsin, serî natewînin" û "Bijî têkoşîna me ya femînîst" hatin berzkirin.

#8Mart2025 | İstanbul'da kadınlar ve LGBTİ+'lar cinayetlere, homofobiye, hak gasplarına, emek sömürüsüne ve güvencesizliğe 'isyan' ediyor.

📹 Video: @kepenekevrimm pic.twitter.com/u5Q30AJEs8

— bianet (@bianet_org) March 8, 2025

Alaya 'Serhildana Femînîstan' hat hildan

Li ber Feminîst Mekanê ku li Kolana Tel a Beyoglûyê ye ala "Serhildana Femînîstan" hat hildan.

Jin û LGBTÎ+yan bi çepik û tilîliyan dirûşma "Bijî têkoşîna me ya femînîst" berz kirin.

#8Mart2025 | Beyoğlu Tel Sokak'ta bulunan Feminist Mekan'ın önünde, "Feminist İsyan" bayrağı açıldı.

📹 Video: @kepenekevrimm pic.twitter.com/OTz4r04p01

— bianet (@bianet_org) March 8, 2025

Mafparêza femînîst Nîmet Tanrikûlû ku di 4ê Adarê de piştî 94 rojan ji girtîgehê  hat berdan, li ber Femînîst Mekanê bi çepikan hat pêşwazîkirin.

Li Siraselvilerê kom dibin

Agahiyên derbarê meşê de li ser hesabê Xê yê Meşa Şeva Femînîstan a 8ê Adarê hat dayîn:

"Di encama hevdîtinan de rêyên ji Firuzagayê hêdî hêdî û bi kontrol tên vekirin. Ji bo kom bûna me ya li Siraselviler tu astengî tuneye. Ji bo Karakoyê jî Defterdar Yokuşû wê bê vekirin.”

"Em ê rêyek ji bo kom bûnê bibînin"

Beriya meşê polîsan hemû rêyên ku diçin Taksîmê bi barîkatan girtin. Her wiha çûn û hatina bi metroyê ya Taksîmê jî hate astengkirin.

Di peyama li ser hesabê Xê ya Meşa Şeva Femînîst a 8ê Adarê de weha hat gotin: "Dibe ku wê hewl bidin ji bo em kom nebin çûn û hatinan rawestînin û her cihî bigirin. Em ê weke her sal astengiyan derbas bikin û bi awayekî rêyek ji bo kom bûnê bibînin."

(EMK/VC/AY)