Polîsan li Îzmîrê destûr nedaye jinan ku xwestine tabelaya navê Denîz Poyrazê li ser nivîsiye daliqînin.

Kazim Bayraktar, parêzerê Alp Altinorsî gotiye, “Di navbera qetla Denîz Poyrazê û MHPê de têkilî heye. Di navbera wan de ji têkiliyek wêdetir tiştek heye. Bahçelî got, ‘ têkiliyê Denîz Poyrazê bi rêxistinên îlegal re heye’. Têkiliya Devlet Bahçelî bi kuştina Poyrazê re heye.”

Polîsî destûr nedaye ku Emrûllah Acar, nûçegîhanê Ajansa Mezopotamyayê çalakiya malbata Şenyaşarî bişopîne. Polîsî bi gotina “Tu nikarî bikişîne kurê min. Neaxive, neaxive” û ew asteng kiriye.

Parêzer Eren Keskînê destnîşan kir ku divê gotinên jina şahid li ber çavan bên girtin û bê ka bersûc Mûtlû E. kî ye û çi kiriye. Her weha Keskînê got, “Grîngiya Peymana Stenbolê carekî din diyar bûye.”

Di danişîna yekem a dadgehkirina polîsên tundkarî li rojnameger Beyza Kûralê kirine, gotinên polîsan hev negirtiye.

Apro D. yê ku çend roj berê tevlî du kesên din hatibû desteserkirin, hatiye girtin. Apro D. beriya niha jî piştî îfade dabû emniyetê, serbest bûbû.

Meşa Rûmeta ya 19an ya LGBTI+yan li Stenbolê wê 26ê Hezîranê roja şemiyê saet di 17.00ê de pêk were.

Wezareta Tenduristiyê aşkere kiriye ku di 24 saetan de test ji bo 223 hezar û 238 kesan hatine kirin û di encamê de testa 6 hezar û 143 kesan pozîtîf derketiye. Her weha 57 kes jî mirine.

Polîsan ketina Parka Maçkayê qedexe kiriye. Li çenteyên kesên ku dixwazin bikevin nava parkê digerin, nehiştine alên keskesor û LGBTI+yan bibin nava parkê.

Heyeta dadgehê biryar girtiye ku li bendî zeftkirina Hasan Başak û Kemal Yakûtî bisekinin û dadgehkirin di 3yê Çiriya Paşiyê de dewam bike.

Beyza Ustun, aktîvîsta ekolojiyê, akademisyen û siyasetmedar gotiye, “Denîz ne tenê hevrêya me ya ku ji bo piştgiriyê bide keda dayika xwe hatibû wê derê, Denîz em in. Ji ber ku ked û siyaseta jinan bi me re mezin kir, ez wê bi rêzdarî bibîrtînim."

Bahçelî, Serokê MHPê îdia kiriye û gotiye, “Ka ez ji we re bêjîm Denîz Poyraza ku hatiye kuştin kî ye, ew hevkara milîsane ku sempatîzanên PKKê yên dixwazin li bajaran biçin çiyê sewqî wargehên terorê dike.”