DMMEyê 130 hezar Euro ceza li Tirkiyeyê biriye
DMMEyê têkildarî serlêdana Mûrat Yilmaz û Bişar Ayhan biryar daye. Li gorî biryarê wê Tirkiye 130 hezar Euro tezmînatê bide. Yilmaz û Ayhan 12 sal berê bazirganiya sînor dikirin, di dema bazirganiyê de li baregeha leşkerî gule bera wan hatiye dayîn. Di encamê de Yilmaz dimire, Ayhan jî brîndar dibe.
Ji bo nûçeya tirkî bitikîne
Dadgeha Mafên Mirovan a Ewropayê(DMME) derbarê dosyeya Mûrat Yilmazê 19 salî û Bişar Ayhan de biryara xwe aşkere kiriye. 12 sal berê li Elbaka Wanê piştî ku li baregeha leşkerî gule Li Mûrat Yilmazê 19 salî û Bişar Ayhan tê reşandin, Yilmaz dimire û Ayhan jî brîndar dibe.
DMMEyê ji ber ku mafên wan kesan yên jiyanî hatine binpêkirin, malbat astengkirine ku xwe negihîne dosyeyê, lêpirsînekî edîl nehatiye birêvebirin û bi sedema ku hêza zêde bikaranîne kesek miriye û kesekî jî birîndar bûye, ceza li Tirkiyeyê biriye.
Her weha dadgehê biryar daye ku wê Tirkiye 130 hezar Eûro tezmînatê bide.
(AS/AY)
Hak odaklı, çok sesli, bağımsız gazeteciliği güçlendirmek için bianet desteğinizi bekliyor.