Operasyona li Rojavayê

Walîtîyên bajarên Şirnex, Mêrdîn û Rûhayê ji bo ewlehîyê li dibistanên li ser sînorê Sûriyeyê perwerde da sekinandin. Ji îro (21ê Çiriya Pêşiyê) heta 25ê mehê perwerde dê neyê dayin.

Serokkomarê Tirkiyeyê û serokê Partiya Edalet û Pêşketinê (AKP) li ser rewşa penaberên ji Sûriyeyên li Tirkiyeyê bersiva pirsên rojnamegeran daye.

Demokratên Amerîkayê li dijî rêkeftina di navbera Rêveberiya Donald Trump û hikûmeta Tirkiyê de ne, ku ji bo ragihandina agirbestê li rojhilatê Firatê hate kirin. Nansî Pîlosî û Cek Şûmer di daxuyaniyekê de dibêjin, rêkeftin ji bo rawestandina şer cihê şermezariyê ye.

Serokomar Erdogan û Alîkarê Serokê DYAyê Pence li Enqereyê kom bûne. Pence gotiye “DYA û Tirkiyeyê ji bo agirbestê li hev kiriye.”

Sînan Çîftyurek, Serokê Giştî yê KKPyê bi şertê kontrola edlî serbest bûye.

Li gor nûçeyeka ajansa nûçeyan a Sûriyeyê ya bi navê SANA serokkomarê Sûriyeyê Beşşar Esadî ji bo operasyona Tirkiyeyê ya li rojavayê gotiye “dagirkerî” û diyar kiriye ew ê bi amûrên meşrû bersiva dagirkirinê bidin.

Berdevkê serokatîya dewleta Rûsyayê, Dmitri Sergeyeviç Peskovî li ser nameya ku serokê DYAyê ji serokkomarê Tirkiyeyê re rêkirî gotiye: Em hînî vî şêweyê peywendîyan nebûne.

Merkel, Serokwezîra Almanyayê gotiye “Min di rojên dawiyê de Tirkiye bi tund hişyar kiriye ku operasyona li dijî artêşa kurdan bide sekinandin” û min gotiye “ev drameke mirovî ye.”

Li sê bajaran 7 kes, ji ber parvekirinên xwe yên li ser medyaya civakî hatine girtin.

Li navçeya Kaniya Xezalan û Serêkaniyê hemû dibistan, li Pirsûs û Bêrecûkê jî dibistanên li herêmên li ser sînorî, li 55 gund û gundikên navçeya Hezex, Cizîr û Silopyayê jî dibistanên li herêmên li ser sînorî wê du rojan bên girtin.

9ê Çiriya Pêşîyê(meha 10.) Tirkiyeyê li Rojavayê dest bi operasyonekê kiribû, di hena rojê de serokê Dewletên Yekbûyî yên Amerîkayê (DYA) nameyek ji serokkomarê Tirkiyeyê Recep Tayyip Erdoganî re şandiye û jê re gotiye “ehmeqîyan neke!”

Li Nisêbînî hemû dibistan, li Artûklû û Qoserê jî li herêmên nêzîkî sînor wê dibistan ji bo du rojan bên girtin.

Ji 186 kesên ku bi hinceta li ser medyaya civakî li dijî “Herekata Kaniya Aştiyê” propaganda kirine hatibûn binçavkirin 24 kes hatin girtin.

Encûmena Asayişa Navdewletî dê derbarê rewşa Sûriyê û êrîşên Tirkiyê bo ser Rojavayê Kurdistanê de civînekê pêk bîne.

Polîsan li Amedê bi ser mala Sinan Çiftyurek, Serokê Giştî yê Partiya Komunîstan a Kurdistanê (KKP) de girtiye û ew desteser kiriye.

Sergey Lavrov, Wezîrê Karûbarên Derve yê Rûsyayê gotiye ku ew ê alîkariya hevgirtinê ya li ser sînorê Tirkiye û Sûriyeyê de bikin. Lavrovî diyar kiriye ku ji ber pevçûnan milîtanên DAIŞê ber bi cîhanê ve belav dibin.

Serokkomarê Tirkiyeyê di dema vegera ji Azerbaycnê de di balafirgehê de ji rojnamegeran re gotiye Tirkiye dê DAIŞîyên li Sûriyeyê ji bo welatê wan bişîne.

Berdevkê Hevpeymanîya li dijî DAIŞê ku serîkêşa wê Dewletên Yekbûyî yên Amerîkayê(DYA) ye, ragihandiye ku hêzên hevpeyman bi temamî ji Minbîcê derketine.

Serokkomarê Tirkiyeyê Recep Tayyip Erdoganî li Azerbycanê gotiye piştî ewlekirin asînoran Tirkiye dê du milyon penaberan bişîne Rojavayê.

Nûnerê serokê Rûsyayê, Vladimir Putinî yê li Sûriyeyê Alexander Lavrentievî gotiye “operasyona Tirkiyeyê ya li Sûriyeyê nayê qebûlkirin.”