efrin

Jinên sîyasetmedar ên girtî ji bo Perlamentoya Ewropayê, Neteweyên Yekbûyî(NY) û Rêxistina Hevkariya ji bo Ewlehiyê ya Ewropayê nameyek nivîsî. Wan diyar kir divê li şûna polîtîkayên leşkerî polîtîkayên aştîxwaz hebin.

Berdevka Wezareta Karên Derve ya Rûsyayê, Mariya Zaharovayê eşkere kir ku di van deh rojên ku li operasyonek li ser Efrînê hatiye dest pê kirin bi sedan kes mirine, di nav wan de sivîl jî hene.

Nivîskarê Independentê, Robert Fisk “yekem rojnamegerê rojavayî ye ku li Efrînê dinivîse.” Wî çavdêriyên xwe nivîsîne.

Rêveberiya Xweser a Demokratîk a Efrînê operasyona li ser Efrînê weke gefa li ser jiyana gelê sivîl û hevgirtina xaka Sûriyeyê nirxand û bang li dewleta Sûriyeyê kir ku “Ji bo parastina herêmê bi berpirsiyariyên xwe re rabe.”

Wezîrê karên derve yê Dewletên Yekbûyî yên Amerîkayê(DYA), Rex Tillersonî diyar kir ku wan û Tirkiyeyê li ser gelek ihtimalan minaqeşe kirine lê wan ti pêşniyar nedane Tirkiyeyê.

Berdevka Wezareta Karên Derve ya Dewletên Yekbûyî yên Amerîkayê(DYA) Heather Nauert, li ser operasyona Tirkiyeyê li Erînê dike axivî.

Walîtîya Mêrdînê bi daxuyaniyekê da zanîn ku ji bo protestokirina operasyona li ser Efrînê, bi daran ve girêdana paçikên miradê û firandina findên miradê û hemî çalakîyên civakî qedexe ne.

Li gor agahiyên destkevtî li Ezezê YPG(Yekîneyên Parastina Gelî) û ASA(Artêşa Sûriyeya Azad) dest bi şerî kirine.

Wezîrê Berevaniyê yê DYAyê got ku Tirkiyeyê beriya dest bi operasyona Efrînê bike ew hişyar kirine û agahî dane wan. Li ser bangewaziya Fransayê Konseya Ewlehiyê ya Neteweyên Yekgirtû wê li ser operasyona leşkerî ya li hemberî Efrînê kom bibe.

Wezîrê karên derve yê Rûsyayê, Sergey Lavrov li ser operasyona Efrînê axivî. Rexne li Amerîkayê kir.

Nauert Berdevka Wezareta Karên Devre ya DYAyê gotina Wezîr a ku digot “Em hêza sînorî ava nakin” dubare kir û bang li Tirkiyeyê kir ku operasyonê li hemberî Efrînê nekin.

Piştî ku Mevlût Çavûşoglû Wezîrê Karên Derve yê Tirkiyeyê got, wê operasyona Efrînê bi paş de neyê xistin, bi çend saetan, Mîkdat Alîkarê Wezîrê Karên Derve yê Sûriyeyê got, “Heke ku balafirên Tirkan êrîş bikin sîstemên me yên berevaniyê amadene ku wan tune bikin.”

Bekîr Bozdag Berdevkê Hikûmetê û Alîkarê Serokwezîrî aşkere kir ku “ji bo 3 mehên din Rewşa Awarte berdewam bike wan tezkere amade kiriye û şandine Serokatiya Parlamentoyê.” Ji bo mijara biçekirina YPGyê jî got ku “Divê dawî li wan hewldanan bê anîn ku korîdora terorê li herêmê bê avakirin.”

Îlham Ehmed Hevseroka Mcelîsa Sûriyeyê ya Demokratîk (MSD) û Nûrî Mehmûd Berdevkê Yekîneyên Parastina Gel (YPG) bersiva daxuyaniyên Erdoganî yên derbarê Efrîn û Idlibê de da.

Partiya Gelan a Demokratîk(HDP) bi daxuyaniyekê eşkere kir ku “hewildaneka ji bo dagirkirina Efrînê dê rewşeka wek salên destpêkê yên şerê li Sûriyeyê çêbike. Dê bibe sebeb ku şerekê li erdnîgariya berfireh dê dest pê bike û demekê dirêj bidome.”