Rêvebiriya Jinan a Şaredariya Peyasa Amedê ji bo projeya vekirina “Pirtûkxaneya Berhemên Jinan” xebatên xwe dan despêkirin. Ji bo pirtûkxaneyê pirtûkên ku jinan nivîsandine û yên ku li ser dîroka jinan hatine nivîsandin dê bên komkirin.
Têkildarî proje û navroka pirtûkxaneyê Rêvebira Xebatên Jinan a navçeya Peyasê Hedîye Gûneşê bi bianet kurdiyê re axivî.
Pirtûkxane ji bo berhemên jinan e
Di destpêka axaftina xwe de Hedîye Guneşê da zanîn ku ev demeke dirêj e projeya pirtûkxaneya berhemên jinan di rojeva wan de bûye û wiha got:
“Di şaredariyê de cihê me yê ku em odeyekê têxin pirtûkxanê hebû. Li ser pêşniyarê jî me biryar da ku em pirtûkxaneya berhemên jinan, pirtûkên nivîskarê jin, yên li ser dîrok, derûnî, berxwedan, çîrok... bi kurtasî pirtûkên derbarê jinan de çi hatibe nivîsîn liv ê pirtûkxaneyê bidin hev.”
“Cihê pirtûkxanê ji bo hemû çalakiyên jinan e”
Guneşê di berdewama axaftina xwe de ev tişt anî ziman: “Cihê me wê tenê ne wek pirtûkxaneyê bi heman awayî dê bibe cihê çalakiyên rojên îmzeya nivîskarên jin, rojên helbestê, her wiha kesên bixwazin kar û xebatên xwe yên wek amadekariya tezê jî li wir pêk bîne. Yanî bi gelemperî dê jinên bixwazin, dikarin gelek karên xwe yên bi vî rengî li vê pirtûkxaneyê pêk bînin. Yanî em dikarin bêjin ku wê bibe navenda hafizeyê jî.”
"Li tevahiya cîhanê xwendina pirtûkan kêm in"
Hediye Guneşê bal kişand ser rewşa giştî ya pirtûkxaneyan û got: “İro cîhanê dem ali rewşa pirtukxaneyan binerin hejmara wan pir kem in. Tabî ev yek bi şert û mercên cihana dijîtalizebûyî ve jî girêdayî bêguman. Êdî ciwan berê xwe nadin xwendina pirtûkan. Armanca bi vê yekê hinekî teşvîqkirina xwendina pirtûkan û ya herî girîng jî berhemên ji destê jinan derketî, yên qala jinan dikin di cihekî de kom bikin. Minak li ser tenduristiya jinan, xebaten wan hertim di dirokê de hebûn lê ev yek hatin wundakirin. Em ê hewld bidin ku van aliyên di dîrokê de hatî wundakirin jî bi pirtûkên di van naverokan de derînin holê.”
"Bila hemû jin bibin alîkar"
Rêvebira Xebatên Jinan Hediya Guneşê di dawiyê banga ji bo pirtûkxaneyê li jinên nivîskar, aktivist û tevahiya jinan kir ku bi pirtûkên xwe bên bibin alîkarî ji bo vê xebatê.
(WT/AY)
