Li Amedê Şeva Yeldayê hat pîrozkirin

Şeva Yeldayê ku şeva herî dirêj a salê ye bi pêşengiya sazî û nivîskarên Kurd li Amedê hat pîrozkirin

Roza Yiğit

Fotograf - Vîdeo: Roza Yiğit / bianet

Bi pêşengiya Komeleya Lêkolînên Ziman û Çandên Mezopotamyayê, Enstîtuya Kurdî ya Amedê, Komeleya Wêjekarên Kurd û Kovara Destarê li avahiya Komeleya Çand û Hunerê ya Dîcleyê duh bi şev, Şeva Yeldayê hat pîrozkirin.

Di destpêka bernameyê de yek ji endamên Komeleya Wêjekarên Kurd Nurcan Delîlê bixêrhatina mêvanan kir û anî ziman ku, Şeva Yeldayê ji bilî bakur li her sê parçeyên Kurdistanê, başûr, rojhelat û rojavayê tê pîrozkirin û îsal ji bo cara yekem li bajarê Amedê û gelek bajarên Kurdistanê bi awayekî berfireh û hevbend hat pîrozkirin. Piştî axaftina Delîlê sînevîzyoneke berfireh ku behsa Şeva Yeldayê dike hat nîşandan.

Di pîrozbahiyê de; şerbet, fêkî, meşrûbat û xwarina danûyê hatin belavkirin. Dengbêj Sadiqê Farqînî kilam gotin, pişt re helbest hatin xwendin. Piştî helbestxwendinê pêşbirka sêva mêxekrej hat lidarxistin. Ên di pêşbirkê de bi ser ketin wekî xelat pirtûk û sêva mêxekrej wergirtin.

Gelek kes bi cil û bergên kurdî tev li pîrozbahiyê bûn. Şeva herî dirêj a salê bi govendgerandinê bi dawî bû.

(RY/FD)

Cihê Nûçeyê

Navenda Nûçeyan a BIAyê

amed Şeva Yelda

Roza Yiğit

Hemû Nivîsên wî/wê

Mayıs 2019 Kürtçe Haber Atölyesi katılımcısı. Mardin Artuklu Üniversitesinde Kürt Dili ve Edebiyatı Bölümü okudu. Çeşitli STK'larda İletişim Koordinatörü ve Yardımcı Asistan olarak çalıştı. Uzun bir dönem Kürt Folkloru alanında saha çalışmaları yürüttü. Mardin Artuklu Üniversitesi Yaşayan Diller Enstitüsünde Kürt Dili ve Kültürü Bölümünde Yüksek Lisans yapıyor.