Doza Ozgur Gundemê destpê kir

Ji bo nûçeya Tirkî bitikîne

Nivîskar Asli Erdogan, zimanzan Necmiye Alpay, Berpirsê Weşana Giştî yê Ozgur Gundemê Zana (Bilir) Kaya û Mudirê Karên Nivîsan Înan Kizilkaya îro hatin dadkirin.

Di wê dozê de Eren Keskin, Filiz Koçalî, Ragip Zarakoglu Bilge Aykut û Kemal Sancili jî bi awakî negirtî tên dadkirin.

Alpay, Erdogan û Keskîn beşdarê rûniştina dozê bûn.

Kizilkaya û Kaya jî ku li Girtîgeha Silivriyê tên girtin, bi hinceta “wesayît û personel nîn e” neanîn rûniştina dozê.

Tenê 3 parêzer

Gelek parêzer daxwaza mudafîbûna dozê kiribûn lê dadwerê biryar da ku tenê 3 parêzer dikare bibe mudafî. Parêzer Ercan Kanar bertek nîşanî vê yekê da û got ku ew biryar li dijî makeqanûnê ye.

Ewil Asli Erdogan axivî û xwe parast

Di dozê de ewil destûr li Asli Erdogan hat dayîn ku xwe biparêze

Asli Erdogan di axavtina xwe de diyar kir ku ew ‘li dijî şer e, antîmilîtarîst e û redkara wicdanî ye” û got ku her çiqas ew di lijneya şêwira Ozgur Gundemê de cih girtibe jî, berpirsyariyeke hiqûqî bi vê yekê nîn e.

Erdogan destnîşan kir ku ew derbarê îxlalkirina mafan, jin û zarokan de dinivîse û got: “Ez bo xweparastina meşrû jî li dijî, tundiyê me”.

Erdogan sucên derbarê xwe red kir.

Rûniştina dozê dewam dike.

(EA/BK/YO)