Atolyeya wêneyan a ji bo zarokên Sûrê

Li navçeya Sûrê ya Amedê, da ku zarok sehma(sam) şer û qedexeyan ji ser xwe rakin û bikarin xwe îfade bikin ji bo 8 hefteyan atolyeyeka wêneyan hat dest pê kirin.

Bircan Değirmenci

Ji bo nûçeya Tirkî bitikîne

Koordînatorê Galerîya Hunerê ya Şaredariya Bajarê Mezin a Amedê, Kîbar Suvarîyê wênegir atolyeyeka ji bo 8 hefteyan, ji bo 10 zarokên di emrên 11-13 salî de da dest pê kirin.

Suvarîyî diyar kir ku ew vê xebatê bi zarokên Diyarbekirê(Amedê) re dike, zarokên di civakê de hestên xwe tepeser kirîn dê bikarin bi vê yekê xwe îfade bikin.

‘’Armanca me ew e ku li şûna ew hestên xwe tepeser bikin, bila ew rewşa xwe qebûl bikin û bi jixwebawerîyê rêyên çareseriyê bibînin û vê yekê bi wêneyan belge bikin.’’

Suvarîyî eşkere kir ku ji bo jiyana zarokan divê şiyana empatîkirinê bê başkirin û got ew hewil didin nîşanî zarokan bikin di rewşên cida yên jiyanê de hestên xwe fêm bikin û bingehên wan hestan bibînin.

Mijarên xebatê

Xebat dê li Mala dengbêjan bê kirin û mijar dê ev bin: Lîstikên hevnasînê, wêneyên hest û ramanan, ji gelaşdanikan çêkirina hûrbînan, dûrbîna kulîlkan, wênegirik, lîstikvanî, sekinandina dîmenan, nivîsîna bendikên kurt, îfadekirina taybetiyên kesane û girtina wêneyên hevalan, axiftinên li ser wênegirtinê, teknîkên wênegirtinê, afirandina fikreka xweser û geşkirina wê, wênegiriya xweser, nivîsîna nameyekê û dîyarkirina hestên li ser projeyê.

Piştî atolye temam dibe wênegirik dê ji bo zarokan bêne dîyarîkirin. (BD/YY/MB)

Cihê Nûçeyê

Navenda Nûçeyan a BIAyê

Bircan Değirmenci

Hemû Nivîsên wî/wê

Marmara Üniversitesi İletişim Fakültesi mezunu. Özgür Gündem, Özgür Radyo, TRT, Star ve Esmer Dergisi'nde çalıştı. Diyarbakır Büyükşehir Belediyesi Kültür ve Sanat Basın Sorumlusu olduğu görevindeki...