Biryarnameya 677. a Rewşa Awarte ya di Hikmê Qanûnan de, di Rojnameya Fermî de hat weşandin. Li gor biryarnameyê 375 komele, 9 organên medyayê hatin girtin, 15.726 kes ji karî hatin avêtin

Walîtîya Edirneyê destûr neda heyeta Partiya Sosyalîstan a Ewropayê(PES) hevserokê Partiya Gelan a Demokratîk(HDP), Selahattîn Demîrtaşî bibîne.

Rêxistina Bexişiyê ya Navneteweyî li dijî biryara girtina komeleyên li Tirkiyeyê kampanya da destpêkirin û di daxuyaniya xwe de wiha got: “Ti kes nikare vê pêkanînê bi OHALê ve girêbide, azadiya xweîfadekirin û mafê rêxistbûnê tên îxlalkirin.”

Ji bo Roja Cîhanî ya Mafên Zarokan, komek aktîvîstên mafên mirovan vîdeoyek amade kir. Wan bal kişand ser wê yekê ku li Tirkiyeyê mafên zarokan têne binpêkirin. Aktîvîstan rexne li wê yekê kir ku rêxistina Gûndem Çocukê ya mafên zarokan hatiye girtin.

5 şêw,rmendên parlementerên HDPê 10 roj in binçavkirî ne. Yek ji wan şêwirmendan Olcay Çelik e ku ji roja binçavkirinê vir ve di greva birçîbûnê ye. Gelek hevalên Çelik yên ji Zanîngeha Bogaziçiyê bangewazî kirin ku ew serbest were berdan.

Mijara fîlma Dil Leylayê, jiyana Leyla Îmretê ye ku ew şaredara Cizîra Botan bû, ji karî hat derêxistin û hat girtin.

Rapornivîsa li ser Tirkiyeyê raporan dinivîse ya Parlamentoya Ewropayê, Katî Pîrîyê gotiye: ‘’Ji bo mûzakere bê sekinandin xeta sor a Ewropayê anîna cezayê îdamê ye. Anîna cezayê îdamê dê welê bike bi fermî mûzakere bêne sekinandin.’’

Li navçeya Şîrwanê ya Sêrtê ji 16 kedkarên ku piştî hêzanê di bin kavil de mabûn, cenazeyê 6 ji wan hatin derxistin.

Hevşaredarê Bajarê Mezin a Mêrdînê Ahmet Turk ku ji wezîfeyê hatibû hildan û Hevşaredarê Şaredariya Artûklûyê Emîn Irmak hatin binçavkirin.

Li Kartalê li ser bangewaziya BHHê mitînga “Em teslîm nabin” hat lidarxistin. Gelek sendîqe, saziyên sivîl û partiyên siyasî jî beşdarê wê mitîngê bûn.

Weqfa Ragihandinê ya IPSyê û Cemiyeta Rojnamegerên Azad bi piştgirî û beşdariya Kaos GLyê, li Mêrsînê “Atolyeya Nûçegihaniya Zayendparêz” pêk anî.

Ji 11ê Îlonê vir ve li şaredarayekê MHPê, 3 yên AKPê û 34 jî yên DBPê qayûm hatine tayînkirin. Di vê dema hanê de (18ê Mijdarê) 38 hevşaredarên DBPê girtîne û li zindanan in.

Di wê danezana 45 rêxistinên jinan de wiha hat gotin: “Heta niha mafên jin û zarokan ku hatine qezenckirin, wê bi qebûlkirina vê qanûnê ve were betalkirin.”

Li navçeya Şîrvanê ya Sêrtê kanayeke madenê ya sifirîn hilweşiya û di encamê de 3 kesên ku di bin kavil de man, jiyana xwe ji dest dan. Hat ragihandin ku 13 kedkar jî di bin kavilde mane û ji bo derxistina wan hê jî xebar û lêgerîn didome.

Hevşaredarê Bajarê Mezin a Wanê Bekir Kaya bi îdiya “alîkarê rêxistinê kiriye” hat girtin.

Derbarê 3 kesên ku li dijî Serokê Komeleya Kirmizi Şemsiyeyê Kemal Ornek êrişa cinsî pêk anîbûn de cezayê hepiskirinê hat dayîn. Piştî biryara dadgehê yek ji wan êrişkaran birine girtîgehê.

Dadgeha Parisê, ji wer qutkirina weşana Med Nûçeyê Eutelsatê mehkûm kir. Kanal wê ji nû ve dest bi weşanê bike û Eutelsat jî dê tazmînatê bide Med Nûçeyê re.

DMMEyê daxwaza Halîl Savdayê ji ber xwendina danezana çapemeniyê weke “leşkeriyê li ber gel rûreş dike” hat sûcdarkirin û 5 sal cezayê hepiskirinê lê hat birîn; li gorî xala 10. ya rêziknameya xwe mafdar qebûl kir.

Li şaredariyên Wan, Sêrt û Mêrdînê qayûm hatin erkkirin. Bi vî awayî hejmara şaredariyên DBPê ku lê qayûm hatiye erkkirin, derkete 34an.

Li şaredariyên Wan, Sêrt û Mêrdînê qayûm hatin erkkirin. Bi vî awayî hejmara şaredariyên DBPê ku lê qayûm hatiye erkkirin, derkete 33an.