Fotograf: Ji nûnerên Talîbanê Abdul Latîf Mansûr
Ji bo nûçeya tirkî / îngilîzî bitikîne
Talîbanê roja Sêşemê Tirkiyê hişyar kiriye ku pilanên gengaz hene ku hin leşkerên xwe li Afganistanê bihêle da ku piştî vekişandina leşkerên biyanî balafirgeha sereke ya Kabîlê birêve bibe û biparêze.
Enqereya ku piştî vekişîna NATOyê daxwaza birêvebirin û parastina balafirgeha li paytextê kiribû, li ser mijarên aborî, siyasî û piştgiriya lojîstîkî bi hevkarê xwe Dewletên Yekbûyî yê Amerîkayê re hevdîtinan pêk tîne.
Li gorî nûçeya Reûtersê Talîbanê daxuyanî daye û ev biryar şermezar kiriye û gotiye:
“Heke rayedarên tirk dagirkirina welatê me berdewam bikin wê Emîrtiya Îslamê ya Afganîstanê li dijî wan bisekine û wê berpirsyartî jî di stuyê wan ê tevlî karê hinek din dibin de be.”
Talîban di daxuyaniyê de bang li Enqereyê kiriye ku fikra xwe biguherîne û diyar kiriye ku şîrîkatiya Tirkiyeyê ya Balafirgeha Kabîlê wê di navbera du dewletên misilman de tenê bibe pirsgirêk. Talîban, destnîşan kiriye ku bi rayedarên Tirk re demeke hevdîtinê dikin û daye zanîn ku heke Tirkiye leşkeran li Afganîstanê bihêle wê peymanê bin pê bike.
(PT/AY)
