Ji bo nûçeya tirkî / ingilîzî bitikîne
Şaredariya Çayirovayê, navçeya Kocaeliyê ya AKPyî destûra şanoya kurdî ya bi navê “Don Kîxot” nedaye.
Seyme Organîzasyon ya ku organîzasyona lîstika “Don Kîxot” ya Şanoya Bajêr a Amedê dike, li ser hesabê xwe yê Twitterê aşkere kiriye ku digel peymana wan heye, şaredariyê destûr nedaye ku şano were lîstin:
Kocaeli'de 28 Mayıs tarihinde @amedtiyatro'nun sahneleyeceği "Don kîxot" oyunu için salon sözleşmesi yapılmış olmasına rağmen Çayırova Belediyesi'nce tarafımıza salonun başka bir organizasyona tahsis edildiği bilgisi verilmiştir. pic.twitter.com/Wa3AaxJlzx
— SEYME Organizasyon (@seymeorg) May 16, 2022
“Digel peyman bi salonê re hatiye çêkirin ku lîstika ‘Don Kîxot” a wê Şanoya Bajêr a Amedê di 28ê Gulanê de li Kocaeliyê bilîze, Şaredariya Çayirovayê zanyarî da me û got, salon ji bo organîzasyoneke din dayîn.
Bixwîne - Şaredariya AKPyê konsera Aynûr Doganê qedexe kiriye
“Roja 13ê Gulanê saet di 22.30 deqîqeşan de, ne di saetên karkirinê de bi telefonê ev zanyarî dan me û bi vê helwestê peyman binpê kirin. Ev biryarên ku li bajarê Kocaeliyê ji bo lîstika Don Kîxot û konsera Aynûr Doganê hatine dayîn, helwesteke li dijî çand û hunera kurdî ye û nayên qebûlkirin.”
Rayedarê şîrketê, Yasîn Gungorî ji bianetê re got, duh di heman saetên ku konsera Aynûr Doganê betal bûye, ji Şaredariyê telefonî wan kirine û gotine, wan bi şaşî salon daye wan. Rayedarî diyar kir ku ew ê dozê li dijî vê biryarê vekin û sibê daxuyaniyekê bidin çapemeniyê.
Duh jî Şaredariya Derînceyê ya navçeya Kocaeliyê konsera Aynûr Doganê ya ku wê di 20ê Gulanê de pêk bihata, qedexe kiribû.
Derbarê lîstika “Don Kîxot”î de
Bixwîne - Şanoya Bajêr a Amedê wê vê carê bi lîstika "Don Kîşotî" derkeve ser dikê
Ji ber romana “Don Kîxot” a Miguel de Cervantesî hatiye girtin. Ferhad Feqî derhênerê lîstikê ye û Dilawer Zeraqî wergera metnê kiriye.
Lîstikvanên Şanoya Bajêr Ozcan Ateş, Şahabettîn Dag, Berfîn Emektar, Elvan Koçerî, Ozkan Şeker û Şîlan Alagoz wê di lîstikê de dilîzin.
(FD)
