Şaredarê Esenyurtê Ahmet Ozer ku danê sibehê di serdegirtina malê de hat desteserkirin. Piştî 6 saet li Emniyeta Stenbolê îfade da, birin Edliyeya Stenbolê ya li Çaglayanê.
Ozer piştî jêpirsîna nêzî 3 saetan a li dozgeriyê bi tohmeta ku "endamê rêxistinê ye" û bi daxwaza girtinê ji bo Dadgeha Cezê û Aştiyê hat şandin.
Dadgehê di “endamtiya rêxistinê” de biryara girtina Ozer da.
Ozel: Em ê vî hişê qirêj têk bibin
Piştî biryara girtinê Serokê Giştî yê CHPê Ozgur Ozel li ser hesabê xwe yê medyaya civakî daxuyanî da.
Şaredarê Esenyûrtê yê CHPê hat desteserkirin
Ozel bertek nîşanî biryarê da û got, "Em ê xwedî li vîna gel derkevin" û wiha got:
“Bê guman em ê berteka herî tund li hember van kiryaran nîşan bidin û vê mejiyê qirêj ku milet nas nake û rêz li bijardeyên gel nagire, têk bibe.
“Ji bo nirxandina geşedanan em ê di 1-2-3'ê Mijdarê de li Stenbolê bi parlamenterên xwe re bicivin.”
“Em ê di 3ê Mijdarê roja Yekşemê de careke din Meclîsa Partiya xwe li Stenbolê kom bikin.”
“Ez bang li hemû gelê Esenyurtê û hemû Stenboliyan jî dikim ku sibe saet di 16.00’an de bên ber Şaredariya Esenyurtê.”
Di daxuyaniya Serdozgeriya Komarê ya Stenbolê da hatibû diyarkirin ku Ozer di çarçoveya "lêpirsîna terorê" de hatiye desteserkirin.
Her wiha li ser dosyayê biryara nepenîtiyê û 24 saetan qedexeya hevdîtina parêzeran hatibû dayîn.
Li ber Şaredariya Esenyûrtê desteserkirina Ozer hat protestokirin
(RT/AY)
