Ji bo nûçeya tirkî / îngilîzî bitikîne
Dayikên Aştiyê ji Postexaneya Galatasarayê name ji Abdulhamît Gul, Wezîrê Dadê re şandin. Dayikên Aştiyê di nameyên xwe de bang li Wezîrê Dadê kirine û xwestine ku daxwazên Leyla Guvenê û girtiyên siyasî yên di greva birçîbûnê de bi cî bîne. Leyla Guven û zêdetirî 200 girtiyan ji bo tecrîta li ser Abdullah Ocalanî rabe, di greva birçîbûnê de ne.
Komê, beriya ku nameyan bişînin, xwest li ber avahiya postexaneyê civîneke çapemeniyê çêbikin. Lê polîsan destûr neda. Herweha nasnameyên rojnamegerên ku xwestin civînê bişopînin kontrol kir û lê nêrî bê gelo derbarê wan de lêpirsîn, lêgerîn an jî biryara girtinê û zeftkirinê heye yan na.
Dayikên Aştiyê ji ber astengiya polîsan, çûne nameyên xwe şandine û daxuyaniya çapemeniyê li rojnamegeran belav kirine.
Di daxuyaniyê de hatiye diyarkirin ku, ji bo aştiya civakî pêk were divê tecrît rabe û ew amade ne ku wezîfeyê bigirin ser milê xwe. Dayikên Aştiyê her weha xwestine bi Wezîr Gulî re bicivin. (HA/FD)
