Ji bo nûçeya tirkî / ingilîzî bitikîne
Merasîma 11em Xelatdayînê ya Hrant Dînkî ya Navnetewî 15ê Îlona 2019ê roja yekşemê saet di navbera 20.00 û 22.00ê de li Qesra Pêşengahan û Kongreyê ya Navnetewî ya Lutfî Kirdarê pêk hatiye.
Îsal Nebahat Akkoça ku bi salane derbarê tundkariya mêran û mafên jinan de dike û Agnes Kharshiinga ku li Hîndistanê ji bo mafên xizan, jin, zarok û mirovên paşwendî û jîngehê têdikoşe xêjayî xelatgirtinê hatibûn dîtin.
Di merasîmê de rojnameger Mûrat Çelîkkanî xelat daye Kharshniingê, lîstikvanê sînemayê Ercan Kesalî jî daye Akkoçê.
Osman Kavala hatiye bibîranîn
Eze Dîzdarê pêşkêşvaniya bernameyê kiriye û Maral Ataman, xwendekarên Hrant Çîzmeciyanî û koma Buyuk Ev Ablukadayê stran gotine.
Îbrahîm Betîl, endama Lijneya Şêwrê ya Weqfa Hrant Dînkî di merasîmê de axiviye û dema behsa girtiyan kiriye û bi taybet jî behsa karsaz Osman Kavalayî kiriye, beşdaran ji bo wî demeke dirêj li çepikan dane.
Piştî axavtinê vîdeoya bi navê “Işiklar” (Ronahî) hatiye nîşandan ku li ser sazî û kesayetên di sala 2019ê de “li dijî binpêkirinên mafên mirovan, êş û tundkariyê li çar hêla cîhanê xebitîne” hatiye amadekirin.
Endamên Juriyê
Îsal di juriya xelatdayinê de mafparêz Mûrat Çelîkkan; rêxistina mafên mirovan û xwediya Xelata Hrant Dînkî ya Navnetewî ya sala 2018ê; mafparêz û dadwerê berê Albie Sach; Zanyara Siyasetê Ayşe Kadioglû; derhêner, nivîskar û lîstikvan Ercan kesal; mafparêz Ozlem Dalkiran; dîroknas Ronald Grigor Suny; hunermend Sarkis; muzîkjen û astivîstê siyasî Serj Tankian, çalakvana mafên jinan Zainab Salbi û Seroka Weqfa Hrant Dînkî Rakel Dînk hebû. (TP/FD)
