Mîkaîl Aslan li Amedê konserek daye

Fotograf: Bilal Güldem / MA

Hunermend Mîkaîl Aslan li Amedê li bexçeyê avahiya Zarok Mayê konserek daye.

Amîdartê konsera Aslanî saz kiriye. Aslanî di konserê de gelek stran strane ku “Mîraz”, “Çem Vano” û ya ji bo zarokan çêkiriya, ya bi navê “Din Dingo Banî Sero” hinek ji wan in.

Mîkaîl Aslanî ji bo strana “Çem Vano” gotiye “Ev muhabeta min û ya çem e. Bi taybetî yên ku li gundan dijîn baş dizanin, di mehên biharê de ava çeman radibe û rengek xweş lê dibe. A girîng ew e ku em wî rengî biparêzin û rêz bigirin.”

Cem Erdost Îleriyî jî di konserê de li tembûrê daye û strana “Bugün Bayram Günüdür” (Îro roja cejnê ye) tevlî Aslanî straye.

Mîkaîl Aslan wê îro li Sêwregê konserekê bide. (FD)

*Çavkanî: Ajansa Mezopotamya