Ji bo nûçeya tirkî / îngilîzî bitikîne
Komîsyona Têkel ku endamên wê ji Komîsyona Destûra Bingehîn û Edaletê hatiye bijartin, ji bo xebatê li ser du dosyeyên parêzbendiya Guzelê civîyan e. Komîsyonê di vê civîne de biryara avakirina Komîsyona Amadekariyê daye. Herdu dosyeyê parêzbendiyê bi iddiaya ku Guzel “endama rêxistina terorê ye” hatiye amadekirin.
Komîsyona Amadekariyê pêşniyarîya Bozdagî bûye
Serokê Komîsyona Têkel Parlamenterê AKPê yê Yozgatê Bekîr Bozdag e. Dema Komîsyon civîya Bozdag nêrînên xwe aniye ziman û pêşniyarîya avakirina Komîsyona Amadekarîyê kiriye. Ev pêşniyarî hatiye êrê kirin û civîn ji çapemenîyê re girtî berdewam kiriye.
Komîsyona Amadekarîyê jî civîya ye
Komîsyona Amadekarîyê ya Meclîsê civîna xwe ya yekem li darxistiye. Di civînê de peywirên 5 endamê Komîsyonê hatine diyar kirin:
Parlamenterê AKPê yê Kirikkaleyê Ramazan Can wek Serokê Komîsyonê hate wezîferdarkirin û çar endamên Komîsyonê jî Zeynep Gul Parlementara AKPê yê Mersînê, Abdullah Guler Parlamenterê AKPê yê Stenbolê, Rafet Zeybek Parlamenterê CHPê yê Antalyayê û Ruştu Tîryakî Parlamenterê HDPê yê Batmanê ye.
Komîsyonê biryar daye ku danezanek ji Semra Guzel re bê şandin ku ji bo ew parastina xwe ya nivîskî û devkî amade bike. Di danezanê de hatiye xwestin ku wê Guzel parastina xwe ya nivîskî heta roja Înî ya 28ê Kanûna Paşiyê û parastina bidevkî jî roja Duşema 31ê Kanûna Paşiyê heta 14:00an bide.
Çi bûbû?
Volkan Bora, endamê PKKê di sala 2017an de ji aliyê Hêzên Çekdarî yên Tirk ve di encama operasyonekî hewayî de hatibû kuştin. Di encama lêkolîna telefona Volkan Borayî de wêneyên Semra Guzelê û Bora yên bi hev re kişandibû di telefonê de derketibû. Ev wêneyana bi raya giştî re hatibû parvekirin.
Dema ew wêne li ser çapemenîya nêzê hikûmeta desthilatdar belav bûbû, Serokê Giştîyê AKPê û Serokkomar Erdogan daxûyanîyek dabû. Erdogan gotibû “Me ev mijar yekser ji Komîsyona Têkel re şand. Ew ê çi hewcebe bê kirin. Em naxwazin kesên wiha di Meclîsa xwe da bibînin”.
Guzel jî goti ku, Bora “dergistîyê” wê bû ye û ew wêne jî “di Dema Çaresarîyê de hatine kişandin”. Dema ew wêne hatine kişandin tu têkilîyê wê bi partîyên sîyasî re tune bû ye û ji bo ew wêneyên li ser Bora hatine dîtin di derheqî wê de tu lêkolin nehatine vekirin. Guzel berdewam kir û got, ew wêneyên ku 5 sal berê hatine ditîn, îro wek “kemînek” ji bo wê tên bikaranîn.
Li ser van wêneyan di derbarê Guzelê de ji bo ku parêzbendîya wê bê rakirin fezleke hat amade kirin. Fezleke ji Komîsyana Têkela Meclîsê re hatibû şandin.
Komîsyon duh (20ê Kanûna Paşiyê) civîya. Lê berî ku Komîsyon bicive Meral Akşenera Seroka Giştîya Îyî Partîyê û Ozgur Ozelê Cihgirê Koma CHPê daxûyanî dan û gotin ew ê ji bo fezlekeyê denge “Erê” bikarbînin.
Li gor Ajansa Anadoluyê, par li meclisê bi giştî 1336 fezlekeyên parêzbendiyê hebûn. Ev hejmar îsal jî bê navber zêdetir dibe lê ji bo hejmara guncaw heya aniha tu daxuyani ji aliyê serokatiya meclîsê ve nehatiye dayin. Fezleke herî zede di derheqê parlamenterên CHP û HDPê de ne, di derheqê parlamenterên AKP û MHPê de hema bêje qet fezleke nîn in.
(TP/AY/BY)
*Bahar Yildirimê ve nûçe ji tirkî wergerandiye